شوية استفسارات :d

[rory20]

احم احم ..
ما بطول عليكم ..
بس عندي كم استفسار حابه استفسرها ..
وابا مساعدتكم بليز

كان طموحي طب بس ربي ما كتب
وبما انهم حطوني ف العلوم بحاول اشد حيلي قد ما اقدر واحول

بس حابه اسئل متى اقدر احول .. يعني لازم ادرس كم سميستر ؟
تاني شيء عند التحويل هل بيرجعو يطالعو ف نسبنا حقت التحضيري .. لان درجتي مرا طايحه ف الاحياء 66 :s
تالت شيء انا قررت ادرس عندكم كيمياء حيوية هل تنصحوني بيها او لا ؟
وايش اسهل تخصص اقدر اجيب فيه معدل يحولني طب .؟

في راسي اسئله كتير بس ده الي يحضرني دحين ..
حتعبكم معاايا .. بس عن جد ما ابا اتخلى عن طموحي
بحاول بكل الطرق الين اوصله ..
ي ريت تساعدوني

[rory20]

^

ي رب احد يرد

[xo7]

من شروط التحويل ان يكون معدلك فوق 4.50 و مو شرط احياء او كيمياء حيوي يحولوا بس
ممكن من فيزياء و احصاء و اي تخصص تحت كلية العلوم وتحويل يكون بعد سنة كاملة ويشمل ايضا الترم الصيفي اذا حابة لكن ما ابغا اكذب عليك التحويل جدا صعب يعني 5 او 6 طالبات يحولوا من 200 طالبة سنويا لكلية الطب فقط لكن ممكن ربي يكتبلك نصيب في كلية ثاني عشين كذا راح تلاقين ردود كثير راح تقولك حولي لابن سينا وقدمي على الابتعاث الداخلي وحققي حلمك بدري بدل ما تضيعين سنة كاملة والنهاية شختك بختك <<<<< حلوة هذي

[rory20]

مافي شيء يجي بالساهل .. بس ربي يكتبلي هيا واحول لطب
انا مقدمه ع منحه في ابن سينا بس سمعت انهم اكتفو ..
يعني لو دخلت رياضيات وجبت فيه معدل اقدر احول لطب
لان الرياضيات هو اقرب المواد ليا واقدر اجيب فيه
بس هل اضمن التحويل من الرياضيات لطب ..؟

[وتر الإحساآآس]

وعليكم السلآم

أي تخصص في كلية العلوم يحولكـ للكليآت الصحية < دآ الي أعرفو

امممم أحسن تدخلي قسم يعني تحبيه عشآن لو قدر الله مآحولتي يصير تكملي فيه برغبتكـ

وأحسن لأنكـ تبغي طب أدخلي تخصص زي الكيميآء حيوي < حيسآعدكـ كثير لو أخذتي على الأقل

الكيميآء الحيوية العآمة لأنو كثير طلآب طب يشتكوآ من دي المآدة

أو الأحيآء أو الكيميآء أشوفهآ أفضل من الريآضيآت والإحصآء مآأظن حتفيدكـ في الطب

والسنة التحضيرية محيطآلعوآ في معدلهآ بشكل خآص بس في معدلك النهآئي الي يعتمد

برضوآ على معدل التحضيري يعني السنة الجآية بإذن الله لآزم تشدي حييييلكـ وتضمني تجيبي 4.50 وفوق

وبالتوفيق يآآآرب ^_*

[rory20]

المشاركة الأصلية كتبت بواسطة وتر الإحساآآس وعليكم السلآم أي تخصص في كلية العلوم يحولكـ للكليآت الصحية < دآ الي أعرفو امممم أحسن تدخلي قسم يعني تحبيه عشآن لو قدر الله مآحولتي يصير تكملي فيه برغبتكـ وأحسن لأنكـ تبغي طب أدخلي تخصص زي الكيميآء حيوي < حيسآعدكـ كثير لو أخذتي على الأقل الكيميآء الحيوية العآمة لأنو كثير طلآب طب يشتكوآ من دي المآدة أو الأحيآء أو الكيميآء أشوفهآ أفضل من الريآضيآت والإحصآء مآأظن حتفيدكـ في الطب والسنة التحضيرية محيطآلعوآ في معدلهآ بشكل خآص بس في معدلك النهآئي الي يعتمد برضوآ على معدل التحضيري يعني السنة الجآية بإذن الله لآزم تشدي حييييلكـ وتضمني تجيبي 4.50 وفوق وبالتوفيق يآآآرب ^_*

مرا يسلموووو افدتيني كتير ^^
الله يوفقك

[DNA..~]

ما أبغى احطمك، لكن اللي أعرفه أن التحويل من كلية العلوم إلى الكليات الصحية، يكون التحويل لـ كلية العلوم الطبية فقط! ما اعرف لو تغير الوضع الحين.. لازم معدلك فوق 4.5 لأن حطي في بالك أن كمان في بنات ممكن يكونوا يبغوا يحولوا فتكون الأولوية لك..

التحويل من كلية إلى كلية، مرا وحدة.. يعني.. لا تقولي أحول علوم طبية بعدين طب!

لو حابة ترفعي معدلك، خذي مواد عامة، حرة ( لو يسمحوا لكم - أعتقد عدد ساعاتك يعتبر لسه قليل بس مدري شوفي ) ثقافة و عربي مثلًا..

مجرد إقتراح، من تخصصات كلية العلوم، لا تقولي بأدخل أي شيء عشان أحول..
أدخلي شيء ( أوكي عشان تحولي ) و كمان تحبيه.. زي ما قلتي مثلا الماث.. لأن لا قدر الله، لنفرض ما صار لك نصيب تحولي، ايش حتسوي؟ تكملي في تخصص تحسي نفسك مجبورة تكملي فيه و انتي ما تحبيه!

كيف تبغي شيء سهل ( ترى كلية العلوم أقسامها مو سهله )، وإنتِ تبغي تدرسي طب!! قصدي ممكن إنك تتعبي بعدين، زي لما الواحد يتعب أول ما يدخل الجامعة، لأن ما كان متعود على الكرف!

أستخيري :)

أنا كنت أبغى طب، لكن الحمدلله إني ما درسته d:

سبحان الله ما نعرف الخيرة فين لنا :)

لا تزعلي مني لو كلامي قاسي عليكِ، أعتبريها نصيحة من أخت لك :)

^_^

[~..candy..~]

المشاركة الأصلية كتبت بواسطة rory20 احم احم .. ما بطول عليكم .. بس عندي كم استفسار حابه استفسرها .. وابا مساعدتكم بليز كان طموحي طب بس ربي ما كتب وبما انهم حطوني ف العلوم بحاول اشد حيلي قد ما اقدر واحول بس حابه اسئل متى اقدر احول .. يعني لازم ادرس كم سميستر ؟ تاني شيء عند التحويل هل بيرجعو يطالعو ف نسبنا حقت التحضيري .. لان درجتي مرا طايحه ف الاحياء 66 :s تالت شيء انا قررت ادرس عندكم كيمياء حيوية هل تنصحوني بيها او لا ؟ وايش اسهل تخصص اقدر اجيب فيه معدل يحولني طب .؟ في راسي اسئله كتير بس ده الي يحضرني دحين .. حتعبكم معاايا .. بس عن جد ما ابا اتخلى عن طموحي بحاول بكل الطرق الين اوصله .. ي ريت تساعدوني

قدر الله وما شاء فعل .. اذا ماتحققت رغبتك قولي ان شاء الله انها خيرة
العمادة يقولو التحويل للكليات الصحية بشكل عام بعد سنة
ويطالعو في درجات التحضيري بس مااعرف كم يطلبو بالزبط
بماانك ذكرتي انك تحبي الرياضيات اكثر شئ انصحك تدرسي الرياضيات لو لقيتي تحويل كان بها لانك تقدري تحولي من كلية العلوم للكليات الصحية بغض النظر عن التخصص في العلوم
ولو مالقيتي لاقدر الله يصير تكملي في شئ تحبيه
وعموما حتى لو تخصصتي كيمياء حيوي عشان تحولي طب ماراح يعادلولك اكثر من مادتين على حد علمي
خذي المواد العامة والحرة عشان ترفعي معدلك ومواد الرياضيات السهله لو تخصصتي رياضيات عشان ترفعي معدلك وتحولي وكمان لو ماحولتي لاسمح الله يصير فتحتي المواد المتطلبة للمواد الاساسية وتقدري تكملي من غير ماتتأخري في التخرج
استخيري والله يوفقك

[rory20]

DNA & candy
كلامكم اثر فيا كتير ..

تيب لو جبت معدل عالي متلا 4.5 بس الله ما قدر و ما اتحولت لطب هنا
اقدر احول من الجامعه لجامعه تانية طب حتى وان كان تخصصي ماث ؟

ادري طفشتكم معايا بس ايش اسوي
خايفه وما ابا ادرس غير الطب :'(

[~..candy..~]

المشاركة الأصلية كتبت بواسطة rory20 dna & candy كلامكم اثر فيا كتير .. تيب لو جبت معدل عالي متلا 4.5 بس الله ما قدر و ما اتحولت لطب هنا اقدر احول من الجامعه لجامعه تانية طب حتى وان كان تخصصي ماث ؟ ادري طفشتكم معايا بس ايش اسوي خايفه وما ابا ادرس غير الطب :'(

الله يكتبلك اللي فيه الخير
استخيري واذا انتي مصرة مليون في المية ماتكملي الا في الطب قدمي في كلية ابن سينا و البترجي في بنات ماتوفقو في التحضيري وقدمو على ابن سينا و البترجي وانقبلو طب و طب اسنان
بالنسبة للتحويل من جامعة لجامعة ثانية استفسري من الجامعة اللي بتقدمي عليها