ثقافةة الشيء الجديد بالمجتمع السعودي

[سمر آل احمد]

السلام عليكم ورحمة الله وبركآته ()..

(1)


قبل عدة سنوات بفصل دراسي
ريم : سمر عندك أكاونت بالفيس بوك ؟!
أنا : لآ!! وشو الفيس بوك
تقط فلانه مع ملاحظه ان فلانه هذي سعوديةة :"
هي : هذا موقع تعارف بين الجنسين ومعفن مره ووو
أنا : يؤؤ لالا مابي اسجل فيه أجل
وقبل سنه بقاعةة بجامعتنا الموقره :)
لآ يا دكتوره أهلي يرفضون أسجل بالفيس بوك وهو شيء مو كويس :|
ترد عليها الدكتوره فيه احد للحين يحمل بعقله هالاعتقاد

ثوره ثوره ثوره
وصار الفيس بوك اهم شيء بالحياه والبنت الي اهلها رافضين تسجل وو صايرين بقائمة العائله

(2)


البلاك بيري وما أدراك ماالبلاك بيري >ياطوله

هو جوال يجيب مقاطع مب زينه !!
كيف ؟!
والله قد قريت أن فيه مقاطع +18 وبلآوي !
وبمجلس مليان حريم وبنت اختها تعزز لها
يعني بالله وش بيقولون عني الباقيين وذولي يحولفون
طبعا هالمره مامشت علي
لان الجهاز كان بيدي يعني أول ماطلع البلاك يوم تشوف وآحد من اصل مدري كم معهم مب اللحين بزارين وعطني البي ان الله لايهينك !
المهم هالانسانه بعد كم شهر يعني يوم انتشر البي بي واشوف معها بي بي
قلت الله أكبر يابعض الناس كانوا يعيبون البلاك بيري ويجيب مقاطع واللحين معهم !
قامت تضحك كويس فهمتي

(3)

تدخلين نت !
تدخلين مسن !
تاكلين جالكسي!
تشربين باريو ! ترآ فيه كحول :/

طبعا ضربت لكم هالمثالين اللي شفتهم وعشتهم أنا ولا الاشياء كثيييره وينتقدون ويعارضون وبالنهايه أول مايصير أوك ومنتشر ولاشيء منا ولا منا قاموا سووه :)
مثل تعليم البنات وغيرها

طبعا أنا ما اقصد الاشياء اللي حرآم وللحين حرآم بس فتنه وبعض الناس بدوا يحسون انه حلال وايزي
يعني أذكر مقوله ما اذكرها زين بس مفادها أذا كنت تشوفين شيء حرآم واللحين تسويه وتعتقد انه حلال فقد فتنت !!

ثقافةة الجديد مخيس وشيء مو حلو !!
ثقافه أي شيء جديد استهدآف لعقدائنا !: (
ثقافة الموت مع الجماعه رحمة
ثقافه اي شيء ماهو عندك ترآ مب زين
*
للامانه ريم صديقتي ماهي سعوديه :/

طبعا والله الموضوع يغص بالامثله عطونا امثله عشتوها سمعتوا فيها لهالثقافه السعوديه

تتوقع وش السبب ؟؟ جهل حسد ...

خذوا نتفوا هالمرضى تنتيف مبرح
وأسال الله ان لاتكونون منهم :"

(للشعب اللي يقول المجمتع افضل مماتقولين ومجتمعنا مافيه هالحركات بقول لكم خلوني اجاملك واقول ياربي مافيه الا 1% عندهم هالثقافه اعتبروني بصحح هالواحد .. واللي يقول تشوهين صورة المجتمع السعودي ماظنيت الا ان كلنا سعوديين والكم وآحد يكونون من مواليد السعوديه اللي اعدهم من وجه نظري انا سعوديين ثقافة ومنشأ وناقصهم ورقه )

[سمر آل احمد]

لي باك :"(

اشياء كثيره يبي لها تعديل واضافه بس جهازي مخرف :"

[مشعل العجمي]

وعليكم السلام ورحمة الله وبركاته
بصراحه يا اختي سمر قريت موضوعك 4 مرات وحاولت اكتشف وش الفكره من الموضوع
ما لقيت اي فكره سوى شي واحد
ان عندك حساب بالفيس بوك وانك تعرفي انه مكان للتعارف بين الجنسين ... وهذا شأنك وان عندك بلاك بيري وانك تعرفي انه يجيب مقاطع مو تمام ............... وهذا شأنك

وين المشكله
مع كل هذه العيوب مو عاجبك انهم يرفضوا هذي الأشياء أو حتى ينتقدوها
لازم ينساقوا معك بنفس الاتجاه حتى ولو كان غلط عشان تحسي براحه نفسيه وتقنعي نفسك انو مو انتي لوحدك كل الناس زيك

صرنا نسوي الغلط وننتقد الناس ليش ما تسووا زينا أوليش تخالفونا الرآي >>>>> عجيب

انا زيك عندي حساب بالفيس بوك وبلاك بيري ... وفعلاً يحق لهم يرفضوها أو ينتقدوها
الغرب يستخدمونها للعمل والتعليم والتجارة وغيرها من مصالح الحياة المفيده
والعرب حدهم للتعارف والغزل والمقاطع الخليعه وغيرها
كم شخص انحرف بسبب الاشياء هذي
كم بنت انفضحت بسبب مقطع في البلاك بيري ومواقع النت
حتى الاطفال لو تفتشي جوالاتهم تلاقي عندهم مقاطع خليعه

ممكن تكون مفيده لفئه معينه من الناس و 90% من الشعب السعودي بل العربي ما يحتاج لها

اما انتقادك لثقافة الشعب السعودي فهذي ثقافة مجتمع محافظ ثقافته يستمدها من دينه
المسأله مو مسألة فلوس بل دين ومبادئ وقيم
*مسكين هالشعب السعودي ما بقى شئ من ثقافته الا انتقدوها .... مدري وش يبون
طلع جيل عربي غريب جداً يتبع ثقافة (معاهم معاهم عليهم عليهم)
مجرد رآي مخالف

تحياتي

[سمر آل احمد]

مدري مافهمت شيء وكاتب كل هذا مشكله بصرآحه يعني نقول تتكلم بما لاتعي !

ان عندك حساب بالفيس بوك وانك تعرفي انه مكان للتعارف بين الجنسين ... وهذا شأنك وان عندك بلاك بيري وانك تعرفي انه يجيب مقاطع مو تمام ............... وهذا شأنك

وأبشرك عندي تويتر بعد ؟؟!
مين قال انه مكان تعارف لا هذي فكره اخذها عنه المجتمع وهو مو كذا
ولا ابشرك غيرت البي بي ماهو عندي وطول فترة استخدامي له ماجاني مقطع سيئ !!


انا أرفض الفكره اي شيء جديد ينتقدونه

ماقلت لاتنتقدون ماني بكبل حريات غيري وافرض راييء عليهم بس اسبابهم غبيه واهيه وماتتعدى كونها شيء جديد عليهم اول مايعرفونه زين بيتمسكون فيه

صرنا نسوي الغلط وننتقد الناس ليش ما تسووا زينا أوليش تخالفونا الرآي >>>>> عجيب

ليش تشوف انك مسجل بالفيس بوك شيء غلط ! طيب دامه غلط ليش سويته
ممكن انت مسارك غلط مو شرط كل المجتمع يمشي بنفس المسار
أو يستخدمونه للتعارف وهالخرابيط
عندك المشايخ كلهم مسجلين بالفيس ودكتورات ناس يعطون غيرهم
سلمان العوده وريم الباني وغيرهم كثير الله يزيدهم يمشون بنفس طريقي الغلط !!!!

اما انتقادك لثقافة الشعب السعودي فهذي ثقافة مجتمع محافظ ثقافته يستمدها من دينه المسأله مو مسألة فلوس بل دين ومبادئ وقيم

قلت لك نقول 1% مع اني متأكده انهم أكثر بكثير :"
نبي نعدل هالخلل
ماتكلمت عن الدين ولا جيت يمه والحمدلله أنا اشوف حكم كل شيء قبل اسويه
ولو تسمع قبل كم يوم مفتي المملكه يقول للمشايخ يتجهون للاعلام الجديد وما الى ذلك لانه هذا زمن الفيس والتويتر

*مسكين هالشعب السعودي ما بقى شئ من ثقافته الا انتقدوها .... مدري وش يبون طلع جيل عربي غريب جداً يتبع ثقافة (معاهم معاهم عليهم عليهم) مجرد رآي مخالف

ايه بلاها ثقافتنا تجنن ماسمعت عائض القرني يقول المسلمين هناك والاسلام هنا ..؟؟
يعني تبونا نقول كل شيء تمام وحنا احسن ناس عشان نصير اوك وناس مره متطورين وووو
شوف خواطر والله يبي لنا اعادة هيكله
حياك الله

[سمر آل احمد]

ترا الموضوع مب عشان اقول لكم وش نوع جوالي ولا انا مسجله بالفيس ولو تقرون ماكتبت كلمه تدل اني مسجله ولا ابي ادري وش نوع جوالكم ولا عندك حساب بمدري وشو
مدري كنت اتوقع اللي يبزون بها الاشياء ماتوا ولو دريت ان محور الموضوع بيصير فيس وبي بي كان جبت لكم مثال ماتقدرون تدخلون فيه لنيتي واني ابي اعلمك ان عندي مدري ايش !!!
ايش اللي ياجمااعه

[إيمآن عبدآلله]

المشاركة الأصلية كتبت بواسطة سمر آل احمد ترا الموضوع مب عشان اقول لكم وش نوع جوالي ولا انا مسجله بالفيس ولو تقرون ماكتبت كلمه تدل اني مسجله ولا ابي ادري وش نوع جوالكم ولا عندك حساب بمدري وشو مدري كنت اتوقع اللي يبزون بها الاشياء ماتوا ولو دريت ان محور الموضوع بيصير فيس وبي بي كان جبت لكم مثال ماتقدرون تدخلون فيه لنيتي واني ابي اعلمك ان عندي مدري ايش !!! ايش اللي ياجمااعه

طيب لآ تعصبي
شكـلو فهمت موضوعك غلـط
لعيـونك آمسح ردي آللي فوق

[عـالي مستواه]

موضوع حلو

إنتي تتكلمين عن رفض المجتمع للأشياء الجديدة و بعد فترة ينكبون عليها

دائماً الشي الجديد فعلاً يصير كذا .... وأنا في الإبتدائي لحقت على أيام كان الستالايت ( الدش )

يركب بالخفاء ... كأنك تهرب مخدرات ... جابوه في سيارة مظلله الساعة 2 الفجر وركب الوالد حوله

حواجز 3 متر علشان الجيران ما يشوفونه .... والحين مستحيل بيت ما فيه 3 دشوش ... وأزيدك من الشعر بيت ..حار وبارد هههههههه

أنا صرت أحس أني شايب .... ما أحد يصدقني إذا قلت له .. ماعندي بلاك بيري ولا ماسنجر ولا فيس بوك ولا تويتر
ولا سكايبي ... طبعاً جربتها كلها لفترة قصيرة من الفضول بس ....

يكفيني فخراً يوزري في سكاو بينكم


شكراً على الموضوع

[سمر آل احمد]

المشاركة الأصلية كتبت بواسطة ايمي آلحلوهـ طيب لآ تعصبي شكـلو فهمت موضوعك غلـط لعيـونك آمسح ردي آللي فوق

يؤؤ ي حياتي والله
ترا انا قصدت احط التنبيه لان تعرفين الكل يمشي ع راي اول رد وبياخذون انطباع انوه قاعد ابز مثل مايقول مشعل اظن اسمه كذا
ولا ردك عسل ع قلبي
وه ايمو لاتزعلين ورجعي ردك
ياصديقتي الحبيبه >قطت الميانه
اصلا استغربت انه رد اكتوبر بعد انحذف رده جميل بس حذفه يمكن عشان ذكر نوع جواله خخخخخخ

[اللولو]

صحيحه فكرت موضوعك

كل شي يدخل ع ساحة السعودية ويتم تناوله بين الناس يبدأ الأهالي بالشك طبعا هذا ع حسب حرص

الأهالي وخوفهم من أي ضرر يمس أبنائهم لكن أول مايفهموا انه غير ضار او إن ضرره يعتمد

ع الإستخدام تبدأ تخف الرقابة

ثقافة المجهول نقدر نسميها


بالنسبة للمثال أنا يمكن شوي مثالي غريب بس حاصل وأنا أول المتضررين

ثقافة الفتاة الجامعية ..كثير من الأهالي يرفض إدخال بنته

الجامعة من كثر مايسمع من مشاكل أنا لاأدعي خلو الجامعة من مشاكل الفتيات لكن الخطأ أن يمنع

الشخص من شي غيره إستخدمه بشكل سيء

تقبلي مروري

[6flah]

اللي يموت ضحك ,,

كان زمان في اختراع اسمه بلوتوث ,, بكل دول العالم وصل ,, لما جا هنا اصدرت فتاوي واخترعت معاه أحكام ,,

الناس اللي سمعت قريب انه في اختراع اسمه بلوتوث ,,, قالو وشهو البلوتوث ؟؟

, ردو عليهم ناس سمعو فيه من اول قالو هذا يسوي بلاوي ,,

الناس اللي م تعرف البلاوي وتعرف البلوتوث قالت تبي تثبت للناس اللي عندها فكرة انه ممكن يسوي بلاوي

انه لا ما يسوي باوي ,,

فجابت هالاختراع فجوالها ,,

مع الايام في ناستعرف البلاوي و م تعرف البلوتوث قالت نتعلم ,,

اهو الناس كلها عارفة انه للبلاوي باقي ترضى باستقبالها والا لا ,,

معاهم معاهم للبلاوي للبلاوي ,,

والناس اللي اول ما كانت تعرف البلاوي صارت تعرفها + نقص وجهل بالدين = بلاوي

بالعربي كل شي جديد له وزنه وفوايد اكبر من اضرار يقولون فيه بلاوي ويطلعون عليه فتاوي ,, وبالتالي تأخر ,,


زي الطابعه لما حرمتها الدولة العثمانية عام 1800 قريب .. وقالت تقليد للكفار ,,

بدأ الجهل عند العرب والمسلمين ,, وبدأ تقدم الغرب وامتصاص ثقافتنا ,,



التاريخ العربي والاسلامي يعيد نفسه في ابشع صور الابتعاد عنه ,,