أرجو المساعدة

[Dr.K.i.W Khaled]

بسم الله الرحمن الرحيم
السلام عليكم ورحمة الله وبركاته
انا طالب في السنة التحضيرية حلمي هو كلية الطب لكن ما هي الصعوبات التي ستواجهني فيها
انا مستواي في النجلش ممتاز لكن مو "بلبل"
المهم ارجو منكم الافادة
بليز لا تطلعو الى لمن تحطو رد بلييييييييييييييز
دعواتكم

[واثق الخطى 1]

الله يوفقك حبيبي
وهذا
::
موضوع د مآجد .. من خير التجآرب ..
http://www.skaau.com/vb/showthread.php?t=422282

[Dr.K.i.W Khaled]

مشكور حبيبي ويعطيك الف عافية بس بسأل كيف الطب في الملك عبدالعزيز

[Dr.Passed]

انا ححاول افيدك بالي اعرفو

بالنسبه للغه طبعا شي مره مهم لكن في نظري هو مهم مو عشان دراسه الطب و انما تسهلك الموضوع عارف غير بعد كده التعامل و الكلام و المؤتمرات تاخد راحتك في الفلسفه

ما اشوف انو في اي حاجه صعبه انو الإنسان يدرسها مادام هوا عندو فضول و عزيمه قويه من جد...ازا انتا تحب الطب و عندك اصرار يعني انتا قدها إن شاء الله..

نصيحتي انك ماتحاول تتكلم كتير و تسأل كتييييير بالزات مع الناس الي بيدروسو طب حاليا...كلامهم امكن ما يعجبك...انا صراحه ما عجبني كلام الكتير يحبط...معظمهم جاتهم حالات يأس ويقولو احنا ليه دخلنا..ليه ماسوينا شي اسهل في حياتنا و الي تقول ابغا اسحب..والي طفشان من عمرو و الي حاسين بضغط مره ومو قادرين يكملو فتقوم افكارهم السلبيه تخرب عليك..من جد خليك كده احسن انا خلاص معد سرت اسمع شي...

انا احب الطب و عندي فضول ادروسو وعندي بإذن الله عزيمه قويه ما احتاج احد يأكدلي شعوري تجاه الدراسه =)

اتمنى انو كلامي مو كتير او مستفز بس انا أأمن انو الناس ممكن تشوف الأمور بطريقه صعبه و غير محتمله بس عشنها بالطالع من منظور احد تاني مستصعب الموضوع....كلنا نظراتنا مختلفه بس اهم شي انو كل واحد ينظر بنظرتو...في امور حساسه ممكن نتأثر بيها واحنا مو حاسين ....انتا إن شاء الله مو كده بس مجرد نصيحه انو احنا لازم نتأكد من نفسنا و احنا ايش نبغا اول ونكون مصممين على ما نريد ..ومانخلي مخنا يتقبل الا الأفكار الي احنا نبغاها


ما اعرف ازا فاهمين عليا بس اتمنى انو فكرتي وصلت =)

[Dr.K.i.W Khaled]

شكرا يعطيكي الف عافيه انا خايف من دي الناس اللي يقول انا غلطان انو داخل طب بس اتمنى من اي احد حيشارك يكتب رأي ايجابي عشان يدعمنا معنويا شكرا بس كلامك كتيييييييييييييييييييييير ههه لالا امزح
thanx

[Dr.Passed]

عشان كده انتا من الأساس لا تسمعهم...من حقنا ننصدم زي ما نصدمو xD
jk ماحننصدم إن شاء الله ...الناس قدرات و انتا تفكيرك ما وصل للطب الا لأنك شايف شي في نفسك دولا الناس مو شايفينو فيك =) فكر كده دايما ...ونظم وقتك ونفسك وسويلك جدول تمام و إن شاء الله السنين تعدي بسرعه مرررره


عفوا =)