للي درسوaccounting117محاسبه

[بيشـــــــو]

سلام يا حبوبات
بنات اللي خلصت دي الماده السمستر اللي فاااات
بليز اذا دخلت واحلفها بالله انو تكتب وتوضح لنا طريقه الأسئله
يعني كيف يجيبو من وين
اش تتذكر غير السلايدات شي جاها وتلخبط فيه وسوأل متاكده انهم بيعيدو في كل اختبار
يعني بليززززز تعاونو معنا عشان الكل يستفيد
وكمانا الشباب لان الاختبار موحد

بأنتظاركم

[الحائرة دائما]

ايوة والله ياريت والله خايفة ومو عارفة كيف بيكون الاختبار

نبا نعرف من فين نذاكر

[أم حبلص]

انا كنت اذاكر من السلايدس والاسايمنت اللي كانت تعطينا هوا واجب كنت احله واذاكره والحمدلله الاختبارات تقريبا زيها
بس بقولك على حاجة حاولي ما تتغيبي عن المحاضرات لان كل درس يعتمد على اللي قبله وكمان اذا في اشياء مو فاهمتها روحي للدكنورة واهم شي اذا قدرتي تحضري عند دكتورة ثانية يعني مثلا تسمعي البنات يمدحوها روحي واكيد راح تستفيدي
المادة سهلة وحلوة بس يبغالها مذاكرة جيدة
الله يوفقكم ويسهلكم

[بيشـــــــو]

انا فاهمه كل شي بس اخاف من الترجمه يعني اخاف يجيبو شي مو مفهووووم
او شي يلخبط يعني بليز اكثر شي يركزو فيه ايش ؟؟؟؟

[Frish flower]

السلام عليكم ورحمة الله وبركاته

أول شي مو حلو انك تقولي أحلفها بالله هي الي دخلت مجرد بتقرا مو يعني اذا قرته يعني حلفتيها

والمنتدى موجود عشان نضع اسئلتنا والي يقدر رح يرد عليكي

والله يهدي الجميع يارب.

تاني شي محاسبة 117 جدا رائعة والاسئلة كانوا يجيبوها تقريبا زي الاساينمت والي هو جزء من التست بانك اهم شي تذاكري او على الاقل تقرأي المحاضرة اول بأول
وتوكلي على ربنا وكل شي بيسهل .

والاسئلة مباشرة مافيها لف ولا دوران .

بالتوفيق يارب . واعذريني اذا ضايقتك مداخلتي

[ҳҲҳŔỜŔỜҳҲҳ]

مو حلوو هالاسلوب صدقيني راح تلقي اللي يساعدك بدون ماتحلفي احد

انا تقريبا اخدت الماده قبل سنه والاسئلة تبيكل من التست بانك

انتي ذاكري السلايدات وامثلة الكتاب وبعدين حلي التست بانك

وفالك الفل مارك

[Rema s.s]

المادة جدا ممتعه لا تخافي منها حلاوتها في انهم نفس التست بانك يجيبو الاسئله
ادرسي زين و تدربي على الاسئلة والشي الي ماتكلمت فيه ما حيجي
اسئلتهم واضحه جدا و مافي افكار جديده
الله يوفقك
لو احتجتي مساعده احنا موجودين

[الحائرة دائما]

يا بنات سؤال عرض ايش التست بانك

ترى اول مره يمر عليا من فين احصلو اللي عندها ياريت تنزلو لنا

[‏cДяǎṀёŁǎ™●•]

اختبآرآتهم مررررآ سهلة و مآ فيهآ لف و دورآن ..

و تجي نفس الاسآآآيمنت أمآ الجزء النظري يكون اختيآري ..

إنتي ذآكري السلآيدآت + الأسآيمنت و إذآ عندك وقت أختآري أسئلة من التست و حليهآ ..

و هنآ تلآقي التست للي طلبتو =)

http://www.skaau.com/vb/showthread.p...18#post2826118

[بيشـــــــو]

لا عادي كلامكم صح المفروض ما احلف بس لان اللي في اقسام الاداره والاقتصاد
جداَ مو متعاونييييين الا مارحم ربي مثلكم ياعسولات
ومشكورررين مررررره ماقصرتو والله