أستفسار بخصوص ps101 أنتظام

[تركي اليوسف]

السلام عليكم أنا عندي الماده باخذ الترم الجاي وعندي كم سؤال
1- مين أفضل دكتور من التالي:
وليد نايف مساعد السديرى
فهد حمود فهد الزيد
فؤاد كاظم على براده
صادق عبدالحميد عبدالرحمن مالكى
منصور عبدالرحمن صالح السبعان

2- كيف طريقة أسئلة كل واحد يعني مقالي
أو صح وخطا أو الإختيار من متعدد

[سمووي 1989]

وليد السديري متشدد في الحظور + اسالته متوسطه مابين فراغات صح وخطأ اختر الاجابه هذا بالنسبة للدوري الاول والثاني .. الاختبار الاخير كله اختيارات من 40 درجه + يدف الطلاب بخجل في الدرجات

براده هذا سمعت انه الافضل لانه اسالته كلها صح وخطاا بس الي متاكد منه السديري لاني اخذتهاا عنده وطلعت بـa
الباقين مدري عنهم ؟

[قلبي محروق حرق]

درستها عند الدكتور منصور السبعان وعجبني أسلوبه
لكن عيبه إنه أحيانا يجي متأخر جدا بعد نص ساعة تقريبا
يكون بعض الشباب مشي..!
((لأن وقت محاضرتنا كان وقت صلاة العصر يمكن))


أسئلته صح وخطأ ..صعوبتها (متوسطة)
ما يعترف بالاختيارات فقط صح وخطأ
يهتم بالحضور والغياب دايما

من وجهة نظري
دكتور ممتاز الله يوفقه ويسهل اموره
وأنصحك تنزلها عنده ما تندم بإذن الله

[تركي اليوسف]

المشاركة الأصلية كتبت بواسطة سمووي 1989 وليد السديري متشدد في الحظور + اسالته متوسطه مابين فراغات صح وخطأ اختر الاجابه هذا بالنسبة للدوري الاول والثاني .. الاختبار الاخير كله اختيارات من 40 درجه + يدف الطلاب بخجل في الدرجات براده هذا سمعت انه الافضل لانه اسالته كلها صح وخطاا بس الي متاكد منه السديري لاني اخذتهاا عنده وطلعت بـa الباقين مدري عنهم ؟

هلا أخوي أنا أخذات مادة بحث علمي عند الدكتور وليد السديري وهي ماده عامة
كانت أسئلته كله مقالي
أنا المهم عندي طريقة الاسئلة

[سمووي 1989]

لا في مادة المبادئ ما يحط كل الاساله مقالي لانها تختلف وتعتبر ماده عامه ياخذها اكثر الطلاب

اسالته مثل ماقلت لك منوعه يمكن يحط لك فقره او فقرتين مقالي او اذكر اقسام بس اسالته بشكل عام سهله وتركيزه على رؤوس الاقلام .. لكن النهائي كله اختيار

[الحميداني]

اخواني الله يوفقكم دنيا واخره انا طالب انتساب وراح انزل مبدائ العلوم السياسيه

الترم الجاي اللي هو الرابع ماهو افضل دكتور من ناحية سهولة الاسئله ارجوا

منكم الاجابه الشافيه ولكم مني التحيه والتقدير

[ثانكس]

دكتور وليد في المبآدئ مآ يجي الاختبآر مقالي
لكن يجي صح وخطأ وفي الدرجآت يعطيك أكثر ممآ تستحقه

والله يوفقط يآرب

[rrw23]

هل هي من المواد الي تنزل بالصيف ع طول
ومين ينزلها

[تركي اليوسف]

أشكر كل من رد في الموضوع
تم تسجيل الماده عند الدكتور وليد السديري
والله يعين على واجبات الي يطلبه