ساحر سعودي يعرض إخفاء احد اهرامات مصر مقابل مليون دولار

[قاهر المتكبرين]

طبعأً لازم نرجع لهرجة انو الشعب السعودي هو الشعب الملاك المنزل من السما .. واي شخص نعتقد فيه الفسوق فهو غير سعودي ..

يا أخوان الآدمي سعودي عايش كتييييير جداً من حياته في الخارج لبنان وغيرها .. وأنا عندي صديق شخصي له في ألعاب الخفة دي .. وربي يا جماعة أنا أصبت بذهول مطبق وهو يسوي حركاته بأوراق اللعب وغيرها .. من جد فيها فن مو طبيعي .. راح تقذفوه بالسحر هو كمان؟ كلها مهارات وخدع بصرية ..

مو كل شي ما نفهمه قلنا عليه سحر وشعوذة ..

[CrEaTiVe4ever]

فيه ناس سووها وقرأوا آيات خلال حضورهم للعرض حقه .. ولا صار حاجة والعرض استمر زي الحلاوة (:

لا .. مو كدا ، العرض حيستمر .. بس لما يجي مثلاً يسوي الحركة عليك ..
والله أعلم !

ومو كل من حفظ له آيتين من القرآن عـ باله إنه راح يصنع بها المعجزات ويوقف بها سحرة العالم ! هذا الشي يعتمد على قوة إيمان الشخص وثقته بالله .

صحيح :) ..

صحيح الواحد يستغرب من كيفية عمله لـ هالخدع .. لكن أتوقع لو إنه ساحر ويستخدم الجن كان أنكشف عن طريق الكاميرات .. ولا كمان الجن كل ما رجعنا نشوف تسجيل الحلقة راح يجوو ويسحروا عيوننا ؟!

أظن والله أعلم أنو يتم تصوير السحر .. بمعنى انو مو كل مانشوف الفديو تُسحر عيوننا ولكن نفس السحر اتصور فنحنا بنشوفو ! ..


اذا أردت الإجابة المؤكدة تابع هذا الموضوع حتى تتم الإجابة عليه بإذن الله :) Press Here..

المشاركة الأصلية كتبت بواسطة سفانا احنا ليه ما نتقدم ما نعرف الا سحر شعوذه جن والله هذا اللي فالحين فيه الله يهدينا اجمعين , هذا علم يدرس بعيد عن الغيبيات والجن

يقول الرسول صلى الله عليه وسلم [ يأتي على الناس زمان يُخيَّر فيه الرجل بين العجز والفجور، فمن أدرك ذلك الزمان؛ فليختر العجز على الفجور ] ..

وهذا الزمن احنا بنعيشو .. اللي متغطية وتلبس حجابها مزبوط متشددة .. واللي ماتشيل حواجبها معقدة ... الخ

فـ إنتبهي يا أختي من اللي بتقولي .. اللي بيصدق الساحر ماتقبل له الصلاة أربعين يوماً ..

وإذا تبغي تتأكدي من اللي بيعملو انو سحر شوفي ياعسل دا الفديو ..

وإسألي نفسك ليش وقف لما أذن ؟!

أو ليش الولد اللي بيصور وقف التصوير كان كمل زي المقاطع اللي قبل ؟!

وليش قلو " خلاص حتقعد كدا على طول " ؟!



هذا والله أعلم !

[•♥fŗŌồtą]

شكلووو يخووف صراحه

ما ارتحت لو لما شفتو صراحه احس فيه بسم الله الرحمن الرحيم

يوم جاء بعرب الادمي الي لابس احمر حسيتو مو انسان

لو تدققو تشوفو للبس احمر يطير مافي يدين ولا شي

ذا شكلو سحر

//

بس في بعض الاشياء خفة يد ومالها علاقة بالسحر

يله نستنى ونشوف اش بيسوي

[JuStice]

أظن والله أعلم أنو يتم تصوير السحر .. بمعنى انو مو كل مانشوف الفديو تُسحر عيوننا ولكن نفس السحر اتصور فنحنا بنشوفو ! .. اذا أردت الإجابة المؤكدة تابع هذا الموضوع حتى تتم الإجابة عليه بإذن الله :) Press Here..

.

سر الخدعة :

.

[فيصل]

المشاركة الأصلية كتبت بواسطة justice . سر الخدعة : .

هل لا زال يستحق ضربة بالسيف ؟
لماذا أُعميت بعض العقول من تقبل أي جديد ومذهل ؟؟

يُقال أن رجلاً أستأذن على أمير المؤمنين ( هارون الرشيد ) وطلب الأذن ليعمل بعض ألاعيب خفة اليد ..
لا أذكر اللعبة بالتفصيل لكن تركه هارون الرشيد حتى أنتهى فأمر له بجائزة ثم جلده ..
أستغرب الحاشية من عمله , فذكر لهم أن الجائزة لإبداعه والجلد لتضييع وقته في هذه الألاعيب ..
بغض النظر عن فعل أمير المؤمنين , إلا أنها كانت موجوده في التاريخ ..
أيضا كان في عهد الخلفاء الراشدين أناس يدخلون النار ولا يحترقون , وكانت خدعتهم بدهن أنفسهم بمادة تمنع وصول النار إلى أجسادهم ..
هي خدع بصرية , بـ 30 ريال من أي مكتبة تستطيع الحصول على كتاب مليء بالخدع البصرية ..
أيضاً أذهبوا إلى أي سيرك في أي منتزه سوف تجدون بعض هذه الألعاب , إذا كانت سحر فأين الحكومة عنها والسيرك مسجل رسمياً ..
لا نستطيع رمي الأحكام جزافاً هكذا , تحققوا من الأمور ثم احكموا عليه بعد ذلك ..

تحياتي لك أخي العزيز جستس ولكم أيضاً

[CrEaTiVe4ever]

المشاركة الأصلية كتبت بواسطة JuStice . سر الخدعة : .

Ok .. دي وخدعة غيرها مستحييييل !

[قاهر المتكبرين]

المشاركة الأصلية كتبت بواسطة creative4ever ok .. دي وخدعة غيرها مستحييييل !

لا حول ولا قوة إلا بالله !!

[دانة الحور]

طيب ليه حضرة جناب هذا الساحر يطلقون عليه ساحر وهو نفسه يقول أنا ساحر؟؟!!
احنا مااأطلقنا أحكام على الناس في الهواء هو اللي أطلق على نفسه وكمان من مشاهداتنا لبعض عروضه
وبما إنه ساحر انتوا عارفين اش حكم السحر والسحرة واش مصيرهم.

[CrEaTiVe4ever]

المشاركة الأصلية كتبت بواسطة قاهر المتكبرين لا حول ولا قوة إلا بالله !!

ههههههههههههههههههه !!!

طيب يا أخي .. خليني على كلامكم .. ولنقل انها خدع ..

أعطيني تفسير لدي الخدع عشان أصدق ..

إنتا مو مجبر بس عشان ننهي النقاش على خير :) .. ولـ ألا يكون جدل بيزنطي حاد ..

[فيصل]

المشاركة الأصلية كتبت بواسطة creative4ever ههههههههههههههههههه !!! طيب يا أخي .. خليني على كلامكم .. ولنقل انها خدع .. أعطيني تفسير لدي الخدع عشان أصدق .. إنتا مو مجبر بس عشان ننهي النقاش على خير :) .. ولـ ألا يكون جدل بيزنطي حاد ..

أختي ..
هل لازم يشرح لك أسرار مهنته التي قد تكون مصدر رزقه عشان تصدقين ؟
المسألة واضحة , مو كل شي نحكم عليه بالسحر والإستعانة بالجن ..