إلى متى ياجامعة الملك ..!!؟

[رونق البياض]

السلآم عليكم ورحمة الله وبركآته ..

حابة اتكلم بخصوص المكآفآة الييوم كان موعدي ورحت المكان اللي هم حاطينه في الاعلان ولمن وصلت لقيتهم نقلوه لمبنى ثاني ورحت للمبنى الثاني ومسكت سرا تقريبا ساعة الاربع ولمن جاء دوري تقولي روحي لمبنى ثالث عشان أمك سعودية طيب رحت للمبنى الثالث وفي النهاية تقولي بطاقتك مانزلت تعالي الربوع يعني اللي أمهاتهم سعوديات موعدهم الربوع ..! طيب ليه ماكتبتوا هالكلام في الاعلان بدل ماتمرمطوني كل هالمرمطة لاوكمان ضيعت محاضراتي وكمان كنت تعبااانة اليوم .. !
واش الفرق انه أبوي سعودي ولا أمي سعودية
مفروض يعاملوني مثلهم ليييييييييش هادي العنصرية ..!!


ماأقول الا حسبي الله ونعم الوكيل ..

[نسائم الايمان]

معقولة وصلت معاهم التفرقة والعنصرية لهادي الدرجة؟!
ايش الفرق بين الي من ام سعودية و اب اجنبي وبين اللي ابوهم سعودي ومن ام اجنبيه؟
الي اابوهم سعودي هما ابناء مواطن واللي امهم سعودية هم ابناء مواطنة
مو المفروض يكون لهم الحق في كل شيء زي أبناء السعودي؟
الى متى هذا الجهل؟ينادوا بالمساواة في كل شيء و لما يجوا عند هادي النقطة يفرقوا تفرقة واضحة و شنيعة؟
احنا ابناء السعوديات نطالب بحقنا في المساورة بيننا و بين ابناء السعوديين في كل شيء حتى في الوظائف والرواتب والبعثات والجنسية السعودية
فينكم يا ابناء السعوديات ليه ما تتكلموا و تطالبوا بحقكم ؟

يااا رب مالنا غيرك نرجوه ان يزيل همنا..

[النور نوري]

وعليكم السلام ورحمه الله وبركاته -والله العنصريه موقفت على هاذي بس ياختي يعني بالله لو هوشخص كان باقول عقليته كذا لكن هاذي جامعه المفروض مايكون عندها هالتفكير البالي - لكن الحمدلله والشكر -معليش ياختي لاتزعلين وحسبي الله ونعم الوكيل

[بايسن جدة]

أيييييييه مو بس في المكافأئه حتى في المقابر السعودي مقدم . سطر يا تاريخ كل ما يشيب الراس

[بايسن جدة]

ملانا إلا الصبر

[فلوونا]

الله يعيييينك :(