انسحبت من الاختبارات بسبب ظروف اجباريه افيدوني

[طير بلا جنحان]

المشكله اني رسلتلهم ايميلات كتبت لهم اني وصلت لجده وصارت لي ظروف اجباريه اضطرتني ارجع وحجز الطيران يثبت كذا!! ما اقدر الحين اغير كلامي,, بس الحين مو عارفه اذا فرضا ماقبلوا اعتذاري وش اسوأ شي بيصير؟؟ يعني يحطوني f بكل المواد!! وارسب ولا حرمان ولا وشو؟؟ يعني في امكانيه ارجع اخذهم الترم الجاي,, من جد موعارفه شسوي!!

[بـــحّـــار]

يحطون dn اعتقد يعني غائب عن حضور الاختبار

[طير بلا جنحان]

طيب وبعدين؟؟ يعني اقدر انزلهم مثل ماهم الترم الجاي واختبرهم ويرجع معدلي مثل ماهو؟؟

[jo0odi]

المشكله اذا قدمتي عذر كيف راح يكون لكل الايام ؟!
يعني كل الايام مايقبلون الا ولاده مثلا !
اذا يومين او 3 ايام ورا بعض كمان ماعندك مشكله بس انتي ايامك متفرقه !!
..
وموادك تنرصد لك dn واذا جبتي عذر وقبلوه تصير لك at وتعني اختبار بديل ولاتأثر بالمعدل وتختبريها في بداية الترم الثاني يعني تقريبا بعد شهر ونص
وبعدين يرصدون لك درجاتك في المواد !
واذا ماجبتي عذر تتحول من dn الى F ويطيح معدلك ولاتستفيدين شيء !
..
وشوفي اعتذار ماراح يقبلون اذا تعانوا معك تدخلين اختبار بديل وفي حل ثاني انك تتواصلي مع رئيسة قسم ادارة اعمال د/ اقبال الصالح ابحثي عن ايميلها ورقمها لعل وعسى تتعاون معك وتسمح لك بالاختبار البديل وانا اشوف انك تطالبي بالاختبار البديل بدل الاعتذار !
..
واذا قررتي انك بتجيبين عذر وماعندك احد بجده يقدمه لك ماعندي مشكله اتواصل معك وترسلين اعذارك لي واقدمها لك !

[خالد الدمام]

شوفي على بال ما يردون عليك مع اني اظن مراح يردون عليك ولا بيقولون لك عذرك غير مقبول
حاولي تشوفين لك عذر انتي مو خسرانه كذا ولا كذا وارسليه حق الاخت جود تقدمه لك والامور بتكون طيبه
بس انتي تفائلي ووسع صدرك وان شاء الله سهالات انا مريت في نفس الحاله بس ياربي لك الحمد والشكر سهالات بس اهم شي العذر يكون لمده طويله بعيد الشر عنك

[silky]

الله معاكي

مره زعلت
راح ادعيلك

الله ييسر امرك

[جنجر]

انا عندي عدذر طبي بس وين اوديه لنفس الاستاذه تبع الماده ولا لاحد ثاني افيدوووني انتظركم

[طير بلا جنحان]

خلاص بتواصل مع الاخت جوود الله يوفقها وبحاول اجيب عذر بس اذا مثلا ماجبت عذر ورسبوني بكل المواد سؤالي هل اقدر انزلهم كلهم واختبرهم الترم الجاي ولالا؟؟

[وحدونا]

مساء الخير ,,,
ياأختي الفاضلة أمورك إن شاءالله ميسره وبدون هم وغم لأنه في النهايه الصحة والحاله النفسية أهم من كل شئ وفي هذه الحاله ماينفع إلا الصدق والمعامله الإلكترونيه مش مثل الواقع حيث إنهم يشوفوا ردة الفعل عليك , يعني الأخت جودي راح تكون ممثلتك على إنها صديقة لك وإذا مامشي الحال بس تهدأ ظروفك شوي يعني اسبوعين مثلاً تعالي يوم واحد للجامعة وقابلي رئيسة القسم وإن شاءالله تتيسر الأمور لأنه الظروف أقوى من كل شئ والناس بالناس والكل بالله , لأنه سبق وحصل مع شقيقتي نفس الوضع وكان القسم عند البنات شوي كلامهم كثير لأنه طبع الحريم مايخدموا كثير - أنا آسف - بس هذا ألي حصل معاها ورحت أنا بدوري قسم الرجال وتم حل الموضوع , ولما تجي جده بالسلامة حاولي عند الحريم وإذا مامشي الحال خلي زوجك يروح قسم الرجال لأنهم جداً متعاونين وبدون واسطه ولاشئ صارحتهم بالموقف إنه كان في مشاكل زوجيه والاختبارات تحتاج صفاء الذهن وهذا الموضوع بين أيديكم وإلا أنا كنت أقدر أجيب عذر طبي بس أنا ماحبيت أكذب وخصوصاً إني من خارج المنطقة وأقدر أحصل على تقرير بألم في البطن ويستحق أقل شئ يومين راحه وبحكم بعد أهلي عني وجيتي لوحدي أثار القلق عندهم وأظطروا إرجاعي حتى أكون تحت رعايتهم , وبكذا الله الشاهد على ماأقول ...

وربي يوفقك ويرزقك بأهل الخير ,,,

[طير بلا جنحان]

مشكور أخوي ومشكورين جميعا على تعاونكم معي ,, انا ارسلت ايميل وفاكس لقسم الانتساب بالشؤون التعليميه وذكرت لهم الاسباب كامله وماحبيت اكذب عليهم بخصوص العذر قلتلهم انه نقلوني المستشفى وذكرت اسمه وانه حالتي النفسيه كانت سيئه جدا وانه رجعت للشرقيه وطلبت منهم يعطوني اختبارات بديله او لاقدر الله يسمحون لي بالاعتذار وباذن الله بتابع معهم,, بس اذا لاسمح الله ماقبلوا كلامي فلاحول ولاقوة الا بالله بيطيح المعدل وبرسب :( بس من جد مررره مقهوره انا 3 سنوات حافظت عالمعدل وآخرتها يطيح :( الله يعين,,