ابي رائكم .. ..

[Mr.0teeby]

السلام عليكم ورحمة الله وبركاته


شباب عندي استفسار او بالاصح

ابغى منكم نصيحة


اخوي اول ترم له في الكلية ذي

بس في جامعة ام القرى بمكة

وودهـ يجئ هنا بجامعة الملك عبدالعزيز

اش رائكم من ناحية أفضل هنا ولا بمكة

من ناحية الدكاترة والتخصصات

وانا بصراحة ماودي يجئ عندي لأني عارف



راح اخربه من ناحية الدراسة وادشرهـ معاي

[JuStice]

.

أعتقد إن الكلية بمكة فيها تقنية مختبرات بس ..

بشكل عام إذا أتوفر له يجي ويكمل بجامعة الملك عبدالعزيز فهو أفضل ..

وبالتوفيق

.

[مســـــــــــــــك]

اعرف وحدة نقلت من ام القرى لى جامعة الملك عبد العزيز
وصراحةالبنت احسها انها ندمت
لانوا الاساتذة هناك جدا متعاونيين
خليه هناك احسن

[Mr.0teeby]

JuStice & مــســــك

يافديتكم


وتسلمون ع ردودكم ..

[M.Alnawar]

ميزة كلية العلوم الطبية التطبيقية بجده انها أقوى ودكاترتها الأفضل ..
مستواها شديد مقارنه ببقية المملكة ..
تصنف أقوى كلية علوم طبية وتتميز بقوة في المختبرات الطبية للأقدمية ...

بالعربي ..
في راسه دراسه وشده يجي جده يبغا يتخرج وبس يكمل في ام القرى :) ..

[عبوور]

اذا كان يفكر يكمل بعدها طب بشري مكه يأخذوا نظري أكتر أما اذا كان يبغي يكمل مختبرات جده أفضل لانه سنة رابع عملي لكن مكة حتى سنة رابع نظري

[miss chocolate]

يعتمد اش يبغا يتخصص سمعت انو قسم العلاج الطبيعي هناك مرة قوي والمواد احسن من هنا لانو اللي حاططها دكتور علاج طبيعي سعودي