اذا قطفت الوردة.. توقع ان تكون بها اشوااك.. فلاتحمل غيرك.. ما جنته يدااك

[no0oni]

السلام عليكم للجميع شباب و بنات

حابه اول شي ابارك للنجحووو واقول هارد لك للراسبين ومعليش ربي يسهلكم الترم الصيفي يا رب وتعدووو

انا كتير بدخل على المنتدى ولو تلاحظو مشاركاتي جدا قليل لاني اكتفي بقراءة المواضيع من غير رد

ولكن صراحة حبيت اكتب هادا الموضوع في نهاية السنة التحضيرية عشان ابغى اوصل( راي الشخصي) للجميع

اول شي طبعا اكيد كلنا نتفق انو احنا دفعة حقل التجارب من بداية تغيير المناهج في المتوسط والنظام المطور في الثانوي ودحين السنة التحضيري في الجامعة

ما انكر انها كانت مراحل صعبة وبعضنا مو الكل خير انو يدخلها . ناس ما دخلت وناس قبلت التحدي ودخلت وناس ما خيرت واطرت انها تدخل في هاذي التجارب وكثيرين اللي كده

لازم اول شي نفكر اللي حطوو هادي الخطط وهادي البرامج سواء الثانوية المطورة او السنة التحضيرية اكييييييييييد مليون في المية انو مهم حاطينها ( سبهلله ) وصحيو من النوم فجأة وقالو احنا نبغى نغير التعليم مو عاجبنا. اكييييد انهم دارسينها وحاطينها على اسس وآراء هما شافوها انو ممكن تفيد التعلم من جهة والطالب من جهة اخرى.

ما نقول انهم مستحيل يغلطوو لا هما بشراكيييد حيغلطوو اكيييد حيكون في شي ناقص لانها لسة خطط جديدة بيجربوها ولازم يطيحوو كم مرة ويفشلوو عشان يقدروو في النهاية ينجحوو لانو النجاح ما يجي بسهوله

طيب حتقولو ليش يجربوها علينااا احنا مالنا ذنمب صح
انا حاقولكم ليش اخترتوو تدخلوو هادي الجامعة كان ممكن تروحو جامعت تانية ما فيها السنة التحضيرية
ممكن تقولو ما نقدر مافي احد يودينا ما عندنا امكانيات واسباب كثير
لكن حقولكم هما ما حطوو سنة تعجيزية هما حطو سنة تقيس مستوى الطلاب يعني كل كلمة انقالت في المحاضرات هما متاكدين انوو عقل طالب\ـة في المرحلة الجامعية اكيد حيستوعبها
وما حطوو سؤال في الاختباار الا وهما متاكدين ان الطالب\ـة اللي مذاكر كويس حيجاوبها ومستحيييل يحطوو اختبار كلوو سهل او كلوو صعب لازم يراعو اختلاف القدرات ولكن هما حيحطوو اختبارات المتوسط حق الطلاب حيحلهاا وبالنسبة للتصحيح كان كلو على الكمبيوتر يعني ان شاء الله ما في احتمال انو احد يلعب مو كل دكتور يصحح على كيفووو ومستحيل مستحيل يكون احد حاط الجواب الصح يقومو يغيروو ويحطوو الغلط وبالنسبة للأسلووب سواء من الدكاترة او الاساتذة او الاداارين مستحيل تلاقي الناس كولها أسلووبها رائع وتشجيعي لازم كده وكده وخلي تفكيركم بعيد شويا بكرة في العمل اذا جاكم مدير شديد وما يرحم حتقولو احنا ما نقدر خلاص نبغى نستقيل وانوو سبب فشلنا هوا ولا احسن انو يا نطنش او انا نتعامل بالحسنى ( اتبع السيئة حسنة تمحوها) ولا دا بس كلام مدارس وممكن تقولو احنا كان عندنا ظروف جبرتنا ما نذاكر او ما نعطي السنة حقها اقولكم انو كل الناجحين من علماء او خبراء او مخترعين في الدنيا كان عندهم صعوبات ممكن تكون اكثر من صعوباتنا فلا نحط الغلط على مشاكلنا احنا نقدر نفصل الدراسة عن مشاكلنا الشخصية نذاكر ونخلص ونعطي المواد حقها وبعد كده نلتفت لمشاكلنا ونحلها وما نخليها عائق علينا

بمعنى انو لا تجلسوو تقولوو انا رسبت انا ما جبت معدل كويس انا .. انا ... انا ..
وكلوو من الجامعة كلوو من السنة التحضيرية كلوو من فلان كلو من علان
وربي ينتقم منهم وربي ... الخ من كل العبارات والمواضيع اللي بتنقال

انا حسال سؤال طيب دحين كولنا راسبين كولنا ما جبنا معدل طيب الللي جابوو كيف جابوو كيف حلوو على راسهم ريشة ولاعلى ايدهم نقش الحنه هما عباقره جاين من الفضاء

ابغى كل واحد فيكم يفكر انا من جد ذاكرت زي الناس انا من جد اعطيت السنة دي حقها انا من جد ضحيت بمتعتي وترفيهي عشان اذاكر واجيب درجاات انتووو فكرروو ولا تحملوو الغلط كلوو عليهم لانوو احنا كمان غلطانين وحتى اللي يقولك انا والله ذاكرت وتعبت وسويت كل شي بس ما جبت معناتها مو من الجامعة معناتها اما من قدراتك او انو ربنا مو رايد فتقول الحمد الله على كل حال

انا بس اللي ابغى اوصلكم هوا انوو كل واحد لازم يكون مسؤول عن القرار اللي يتخذو يكون مسؤول عن تصرفاتوو يكون مسؤول ويتحمل نتيجة اغلاطوو ويحاول يحسن نفسوو قبل ما يحسن غيرووو يقول انا فايش قصرت قبل ما يقول هما قصروو معانا

وللاسف للاسف انو اي فكرة جديدة توضع في مجتمعنا اغلبية المجتمع ترفضها مو بس في التعليم في كل المجالات وعددووها انتووو وهادا اللي يخلينا ما نتقدم وهادا اللي يرجعنا للورا

اخر شي حابه اقولكم هوا حاااولووو دايما ما تستعملووو كلمة ( انتوو) واستعملوو (انا)

انا ايش عملت عشان انجح انا ايش قدمت عشان اجتاز السنة التحضرية بنجاااح اناا ايش سويت مو انتو ايش سويتولي

واسفة على الإطالة وهادا راي الشخصي

واختلاف الراي لا يفسد للود قضية

[rayyan1444]

ما فحالي اقرا الكلام اللي فووق كله ياليت تلخصيه لي <<<<<< واحد سوداني

[jef619]

كلام منطقي

[beauty roro]

بصراحة دا رأيي أنا كمان
الله يعطيكي العافية

[حابه # اتخصص]

er] هذا رايك وانا اتقبلوا وانا معاكي فيه ولكن فعلا النظام هذي السنة ما كان منظم يعني هذا تعليم المفروض انوا يكون موضوع تحت خطة ثابتة موكل يوم والثاني طلعولنا قرار جديد ولكن للصراحة بعض الطلاب والطالبات بالغوا شويه في ردت فعلهم لانو شي جديد علينا مع انوا فكرة التحضيري جيدة وكثير من الي اعرفهم ومنهم انا شخصيا اختلف راي نهائيا بعد ما دخلت الجامعة لاني اتعرفت على حياة الجامعة اكثر وعلى طريقة دراستها عموما هذي السنة عدة والحمدلله والله يوفق الجميع ويرضيهم بالي مكتوب لهم ويوفقهم فيه وان شاء الله النظام يتحسن على السنة الجاية وعذرا على الطالة [/color]

[ocean heart]

مادري ما حسيت صراحة بكلامك ..

اول شي الناس قدراتهم تختلف ولازم يراعو دا الشي طيب ..

تاني شي ما اعتقد احد لام المناهج او اسئله الاختبار قد مالمنا التصحيح و التحطيم النفسي و اسلوبهم معانا ..

غير كدا انتي ما تعرفي ايش ضروف لناس عشان تحكمي ع الكل بانهم ممكن ما زاكرو انا عني الدوري التاني كنت محطمه نفسياً لانو أهلي كانو في خطر <<<< اكيد عارفين عن الزلازل و الاشياء دي و انا بعيدة عنهم في السكن وكنت احل في كل اختبار والله يعلم بحالي وهاده ضرفي انا بس كان المفروض يكون في تهيئه و ازا على قولتلك النظام ماراح يتغير بين يوم وليله ومني عارفه ايش كان المفروض يكثفو انجليزي المدرسه و لو انهم بعدلو من جد كانو حطو الانجلش من بدري من الابتدائي

صراحة أنظمه فاشله خلفها ناس فاشلين و كل واحد مو عارف ايش بيجرى في الدنيا الاا من رحم ربي

ودا رئي الشخصي كمان

[نجمة بحر]

لا اله الا انت سبحانك اني كنت من الظالمين

[عسل جداوي]

لا تعليق
ماعلقت من زمااااااااان حعلق دحين بعد ما خلصنا السنه؟!!!!!!!!

[M!ss Mojy]

واخيـــــــــــــــــــــــــــــــــــــرا

واخيــــــــــــــرا جا الموضوع الي يريح البال

<< من كثر ماشافت مواضيع تجيب الهم ... مع احترامي للجميع

وانا اوفقك الرآي اختي في كل كلمة ذكرتيها

هاذي هيا مشكلتنا احنا الشعب السعودي

دااااااااائما نبغى الشي يجي بسهوله وبدون مانتعب فيه او بدون مانتعثر

نبغى الشي يمشي على نفس النظام الاول الي قبل يمكن اكثر من كم سنه

وننسى ان العالم حولنا جالسين يتطوروا بمناهجهم وبدراستهم وبآنظمتهم واحنا لااااااااااا نبغى كل شي زي ماهوا

وننسى قول الله تعالى ( لقد خلقنا الانسان في كبد )

اكيد الكل عارف تفسير هاذي الآية

يعني هاذي هيا حياتنا ولاااااااااااااااااازم نتعب ونتعب ونستمر ومانوقف

يعني بدال ماتعترضو على نظام التحضيري وعلى مناهج التحضيري

ليه ماتقولو قوا مناهجنا طوروا اكثرر من لغتنا

طوروا اكثررررر من مناهجنا

خلوا مناهجنا مركزه اكثر عالاشياء العملية وانو كيف هذا العلم نطبقوا على واقعنا

مو مجرد مواد نظرية نحفظها ونحشيها طوووووووول السنه ونجي بعد الاختبارات نفرغها في سلة المهملات

خلونا نسوي مشاريع وتقارير وبحوث مو بس ندرس مواد ونختبر فيها

عشان بجد نحس بمتعة الدراسة ونحس اننا بندرس شي نفيد فيه مجتمعنا بعدين

وصدقوني احنا بنكون من اكثر الدفعات الي يتم توظيفها

لاننا من البداية بدأنا نتآسس في اللغة ومهارات الحاسب

وصدقوني ممكن طالبة تحضيريه في اول السنه تتحدى خريجة الجامعه في اللغة الانجليزية الي اكتسبناها

بغض النظر عن درجاتنا في مادة الانجليزي .. ( لان من وجهة نظري اختبارات الانجليزي لم تكن مقياس كافي للمستوى)

وفشل السنة التحضيرية في بعض الجوانب لا يعني فشلها كليا

ولا تقولوا انا جالسه اتكلم لمصلحة السنه التحضيرية

صدقوني انا زيكم طالبة وعانيت من كل شي انتو عانيتو منو

من بكى وسهرررر وتعب ومذاكره وحرمت نفسي من اشياء كثيـــــــــــــره ربي اعلم بيها

وضحيت بمتعتي ووناستي وجلستي مع اهلي واذا حصل اي شي ينكدني او يزعلني الجئ لربي .. مو بس اقعد اتشكى واتذمر من هاذي السنة

هذا كلو عشان يجي هاذا اليوم وانا رافعة راسي

اني انتهيت من السنة التحضيرية بالمعدل الي اتمناه والحمدلله

واوري كل الي حطوا نظام السنة التحضيرية انو انا قدهاااااااااااا وانتو حطيتو هذا النظام تبغوا تتحدونا

واهوووو انا اتحديتكم بالرغم من انو المناهج باللغة الانجليزية

والحمدلله قدرت اوصل للشي الي ابغاه واثبـــــــــــت لكل الناس

اني نجحت من الثانوية وجبت النسبة الفلانية بتعبي ومجهودي وبدون مساعدة احد وبدون تسهيل من المعلمات

وكمان اتحديتهم انو انا طالبة المدرسة الحكومية الي منهج الانجليزي عندنا الله اعلم بحالو

قدرت اجيب اعلى الدرجات في اللغة الانجليزية ولله الحمد ...

وهذا الي حبيت اقولوا

فكفانا تجزع وصخط وبكااااااااااء ودموووووووووووووع وشكوى

بدون ادنى فائدة .......

ولننظر لما فيه مصلحة لتطور تعليمنا ورقيه

واحب اشكر صاحبة الموضوع على مشاركتنا بهذه الكلمات الرائعة

دمت بحفظ الرحمن اخيتي ....

[اريج العمر]

بصراحه في كلامك في شي من المنطق
بس انت قلت كل واحد يسأل نفسو هلى عطى السنه هذي حقها .. راح اقلك اي نعم انا مو من دفعت السنه هذه جلست سنه في البيت عشان ادخل الجامعه وادخل قسم انا ابغى اختبرت قدرات من مناهج انا مادرستها لاني من اصحاب المناهج القديمه .. اللي كانو اخر دفعه تطبق عليهم اختبارات الرئاسه .. نسبتي في الثانوي كانت ماتزل عن 97% وفوق كل هذا دخلوني تأهيلي .. حرمت نفسي من كل وسائل الترفيه اللي الواحد كان متعود عليها وحطيت كل همي اني اجيب مجموع واثبت نفسي في هذه الجامعه واحول انتظام .. واخذ القسم اللي ابه ..,, وفي الاخير يرسبوني في ماده (الاحصاء) انا اول مره ادرسها لانها ماكانت في منهجي غير اني هذه الماده خصوصا صرت فهمتها مثل مانا فاهمه اسمي.. وبعد هذا كلو ندرى انو طالبات التأهيلي ايش ماسويتي اخرتك كلية العلوم
وبعد ماتبغانا نتشكى .. ونلوم السنه التحضيريه اللي ماكان فيها عدل ولا حتى نظام ولا مرعاة لكل المستويات
واسفه على الاطاله .. بس بصراحه بعض الكلام نرفزني