محتاجكم ضروري .. التحويل من العلوم للهندسة .. ( للطلاب اللي حولو او عندهم خلفيه )

[أمــير الـــروح]

انا ماشي بالعكس حولت من الهندسة للعلوم :)

[جيزان]

المشاركة الأصلية كتبت بواسطة bjnoon atb3k الله يعطيكم العافيه .. افهم من كلامكم ان التحويل اقدر عليه ؟؟

مثل ماقال دافئ الاحساس وبيو كيميائيه(( انت خلاص مقبول
لانه نسبتك الخاصه اعلى من النسبه الخاصه للكليه بربع )) ومثل ماسمعت هما اقل شي للتحويل عند الاولاد 3 ونص وانت الحين بس من التحضيري فوق 3 ونص

الي باقي بس شي واحد
( انك تكمل هالترم وتشد حيلك وتخلي املك بربي كريم ودايم ادعي ربك ولاتنسى الجد والاجتهاد وتنظيم الوقت والمذاكرة اول بأول )
ومااجاملك بس حاسه 80 في الميه انك راح تتحول بإذن الله ,,,وكمان الاولاد ماعندهم تعقيد مثل البنات هلشي خليه امل كبير ودافع لك

[xo7]

المشاركة الأصلية كتبت بواسطة جيزان مثل ماقال دافئ الاحساس وبيو كيميائيه(( انت خلاص مقبول لانه نسبتك الخاصه اعلى من النسبه الخاصه للكليه بربع )) ومثل ماسمعت هما اقل شي للتحويل عند الاولاد 3 ونص وانت الحين بس من التحضيري فوق 3 ونص الي باقي بس شي واحد ( انك تكمل هالترم وتشد حيلك وتخلي املك بربي كريم ودايم ادعي ربك ولاتنسى الجد والاجتهاد وتنظيم الوقت والمذاكرة اول بأول ) ومااجاملك بس حاسه 80 في الميه انك راح تتحول بإذن الله ,,,وكمان الاولاد ماعندهم تعقيد مثل البنات هلشي خليه امل كبير ودافع لك

قصدك 98 في المية تحويلك مضمون بس عشين تضمن زيادة ارفع معدلك الى 4

[الخلوق]

المشاركة الأصلية كتبت بواسطة أمــير الـــروح انا ماشي بالعكس حولت من الهندسة للعلوم :)

ليييش ؟ .... ممكن نعرف وش السبب ؟ (لأن كثير من الطلاب يبون يحولون هندسة .. فودي إنك تقول لنا هل في أشياء ما عجبتك في الهندسة أو ضايقتك حتى لا نتفاجأ بها إذا حولنا)

[الخلوق]

المشاركة الأصلية كتبت بواسطة bjnoon atb3k السلام عليكم ورحمة الله وبركاته ... شباب انا طالب في كلية العلوم اول سمستر لي تخصصي فيزياء .. وبصراحه انا مادخلت جامعة الملك عبدالعزيز الا عشان الهندسه ... قالو لي تقدر تحول بعد سمستر او سمسترين .. وماخليت عماده ولا مكان الا وسالت عن التحويل ... بس اليوم كانهم سكرو الباب في وجهي وحسيت انو مافي امل احول ... وبصراحه لو ماحولت يمكن اطلع من الجامعه << لا تكفى هههههه المهم ابي اسال الطلاب اللي حولو او يعرفون نظام التحويل .. بليز ساعدوني لاني جد محتاج مساعدتكم مره بالعماده قالو لي ااذا ماحققت النسبه الخاصه لكلية الهندسه في التحضيري انسى تحول وفيه ناس برضو من العماده قالو تقدر تعوضها بهالسمستر .. اول شي هذي درجاتي في مواد التحضيري فيزياء 73 رياضيات 71 احصاء 71 انجليزي 103 92 انجليزي 104 85 معدلي 3.71 الدرجه الموزونه 78.840 ادري كثرت بالكلام لكن جد تعبت وانا اسأل ومحد راضي يعطيني وجه حسسوني انهم جامعة اكسفور .. وبليز اللي معلومات يفيدني واللي حول يقولي انا من جد مضيع خلوني اعرف اكمل هالسمستر ولا اسحب اوراقي من الحين ... وشكرااااااا

وعليكم السلام ورحمة الله وبركاته

أول شي كن واثق بالله ..... وما عليك من اللي يقول (انسى تحول) لأن اللي بيعطيك إياها هو الله جبت 5من5 أو 3من5 كل شي بيد الله واللي بيرزقك هو الله

أنا من طلاب 10

أنا بحدثك عن تجربتي:

أنا زيك ما جيت جامعة الملك عبدالعزيز إلا على شأن الهندسة (طبعا أنا أكلمك عن طموح) ........ المهم أنا عكسك ما قبلت بسبب الانجليزي نقص عن الدرجة المطلوبة بشوي وباقي المعايير كلها متحققة وفيه طلاب معدلاتهم أقل مني بشوي تسكنو بشمال جدة هندسة ............. والسنة الماضية الفصل الثاني رفعوا معايير التحويل للهندسة وكل الكليات وكانو طالبين في الفيزياء والرياضيات والانجليزي المادتين 85 وفوق ......... قبل ما يرفعون المعايير أنا شفت شغل تقديم التحويل عن طريق الأودس ما ينفع بحيث إن العملية تتم عن طريق الكمبيوتر ..فرحت وقدمت خطابات إلى عدة مسؤولين من مدير الجامعة إلين عميد القبول والتسجيل وكانت كل الخطابات تتحول إلى عميد القبول والتسجيل .. إلى أن دخلت على عميد القبول والتسجيل وكلمته فشاف كشف درجاتي وقال:إنت مشكلتك في الانجليزي وأنا ما أقدر أحولك إلى كلية الهندسة في جدة شمال أو جنوب لأن كلية الهندسة في جدة فيها اعتماد أكاديمي ولازم تتوفر كل المعايير المطلوبة في الطالب ، قال إذا إنت تبغى رابغ ما في مشكلة رابغ ما فيها اعتماد فكر فيها .. فجيته اليوم اللي بعده وقلت له أبي رابغ قال:خلاص تعال لي مع بداية الدوام بعد العيد وأحولك لأن الحين التحويل ما فتح (هذا الكلام الترم الثاني السنة الماضية) ..... جيته أول يوم في الدراسة ووافق وأرسل طلبات التحويل كلها إلى الوكيل والوكيل شكل لجنة بخصوص هذي الطلبات وبعد 3 أيام راجعتهم وما قبل الطلب يقولون الشروط ما تحققت دخلت كلمت الوكيل قال: هذا مو كلامي في لجنة تشكلت بخصوص هذي الطلبات وأي معيار ما تحقق في الطلب يستبعد الطلب ، يقول هندسة رابغ هذي السنة حطو لها معايير.


وأنا من زمان أحس إنهم يصرفون الطلاب ............. لكن الواحد ما يدري وين الخيره له ، فقلت لعلها خيرة

أنت ادعي الله بأن يكتب لك ما فيه خير ........ والله يوفقك



-وسامحني على الاطالة بس حبيت أفيدك بشي من تجربتي

تقبل مروري............

[~..candy..~]

باذن الله التحويل مضمون بنسبه 99%
اصلا شروطهم منطبقه وكمان في التحويل يتشرطو 3.5

[أمــير الـــروح]

المشاركة الأصلية كتبت بواسطة الخلوق ليييش ؟ .... ممكن نعرف وش السبب ؟ (لأن كثير من الطلاب يبون يحولون هندسة .. فودي إنك تقول لنا هل في أشياء ما عجبتك في الهندسة أو ضايقتك حتى لا نتفاجأ بها إذا حولنا)

انا لمن دخلت الجامعة كانت الفكرة الوحيدة اللي في بالي اني اتخصص رياضيات
ولمن بدأ وقت تحديد التخصص اكثر من واحد قلي حرام انك تدخل علوم ومعدلك عالي
وكانو يقولولي مكانك طب او الهندسة وانت شاطر رح تنجح فيها وانا اتاثرت بدا الكلام وكمان اصحابي كلهم كانو داخلين الهندسة فلمن رتبت الرغبات حطيت الهندسة بعدين الطب بعدين طب الاسنان بعدين العلوم وانقبلت في اول شي اللي هي الهندسة ومن بداية الدراسة وانا مو مرتاح حاسس نفسي اني ماشي غلط وكنت ناوي احول بعد الترم الاول لكن قلت ممكن عشان اول سمستر ليا ماني مرتاح وماني عارف اش اتخصص قلت اجرب اجلس كمان سمستر وفي ثالث اسبوع في الترم الثاني اعطيت نفسي قرار نهائي اني احول للعلوم وبعد الترم الثاني الحمد لله حولت للعلوم وبدأت من الفصل الصيفي اعدل وضعي والحمد لله الامور ماشية الى الان تمام التمام ..

[Bjnoon Atb3k]

الله يسعدكم وماقصرتو رفعتو معنوياتي كثييير

الله يسسهل اموركم يارب ويسهل امري ... مشكورين كثير كثير