تخصص اللي ابغاه مافي !! ايش الحلول اللي ممكن اسويها ؟

[معارج]

بسم الله الرحمن الرحيم


زي ماهو في الموضوع , التخصص اللي ابغاه مافي وانا مازلت تحضيري , ومابقي شي على الترم الجاي والايام تمضي .

كنت على امل انه يفتح تخصصات جديدة زي العام لكن مافتحت .؟!

المهم .

انا دحين بفكر لمخرج من دي المشكلة . واحتاج مساعده من اهل الخبرة .

بالنسبة للنقل الخارجي كيف الطريقة وايش احتاج .؟؟ لو فكرت انه انقل الى جامعه اهليه ؟!!

طب النقل الى جامعة خارج المملكة في دولة عربية شقيقة راح يكون نفس الاجراءات ولا لا ؟؟ اكمل ولا يرجعوني من البداية .؟؟؟

الله يسعدكم اقترحوا عليا

[ǁ غــلأآإ ، رٍوٍحــي ǁ]

بخصوص التحويل الخارجي
يعتمد علي الجامعه اللي تبغيها وشروطها لانها تختلف ،،

[hek]

بالنسبة للنقل .. حتكون في شروط ويختلف من مكان لمكان
لكن ايش هو التخصص الللي تبغيه ؟!
.. يعني ممكن نساعدك بشي

[معارج]

شكرا على الردود

وبالنسبة الى التخصص : هو المالية .

[hek]

حسب دليل القبول من عمادة القبول والتسجيل - الصفحة رقم٧ (دليل المسارات للطالبات)
فإنه يوجد قسم تمويل للطالبات تحت كلية الإدارة والاقتصاد

http://prod.kau.edu.sa/admission/MAI...les/daleel.pdf

[الهندواني]

بالتوفيق

[فخخخآمهـ]

# تخصصآت عبدالعزيز منيلةة بـ 60 نيلةة : /
عندي أمل يفتحوآ ششي حلو وجديد لأني للحين مآ لقيت إللي ينآسبني : (
و زي مآ قآل الأخ hek ، المآليةة تندرج تحت إدآرة الأعمآل : )

مووؤووفقةة يَ رب 3>

[معارج]

مشكورين على التجاوب

ولكن المالية يختلف كليا عن التمويل والادارة المالية اللي تندرج تحت ادارة الاعمال


اي اقتراحات اخرى؟

[طيش على جديه]

لا في دحين تخصص تمويل لحالو مايندرج تحت اداره اعمال احنا حنكون اول دفعه في دا التخصص واللي هوا اصلا ماليه