الجدول لاينزل تلقائيا .

[عالي المعاني]

هذا اللي مكتوب بالأوديس وهذا اللي لخبط مخي مافهمت :

إعلان هام جدا للمنتسبين عزيزى المنتسب .... فى حالة رغبتك فى تعديل وضعك الدراسي من طي قيد أو غيره عليك إتباع الخطوات التاليه :- تعديل وضعك الاكاديمي وذلك بمراجعة عمادة القبول والتسجيل . بعد الانتهاء من الخطوة السابقة, راجع عمادة خدمة المجتمع لتسديد الرسوم الدراسية للفصل الحالى , أو تعديل وضعك المالى . بعد الانتهاء من تسديد الرسوم الدراسية للفصل الحالى, عليك مراجعة النت أو الشؤون التعليمية بالكليه , وذلك بعد 24 ساعة على الاقل من تسديد الرسوم , لتسجيل مواد الفصل الحالى حيث أن الجدول لاينزل تلقائيا . بعد الانتهاء من تسجيل المواد فى جدولك , إطبع الجدول وتأكد من المواد المسجلة لك وعدد الساعات . إذا كنت ترغب فى حضور الدورات التأهيلية الخاصة بالطلاب المنتسبين , عليك مراجعة موقع الكليه لمعرفة التفاصيل وطريقة التسجيل فى الدورات . تنبيه هام جدا : نرجوا عدم الإعتماد على جدول فصل دراسى سابق , أو على الخطة الدراسية , أو على قائمة مواد فى كشف الدرجات يظهر امامها (w) أو جدول زميل , أو أى شي آخر , فى دخول الامتحانات النهائية . ويجب عليك الاعتماد فقط على " الجدول الدراسى للطالب " الخاص بك فى دخول الامتحانات , وسوف لن يتم رصد نتيجة أى مادة لأى طالب ما لم تكن مسجلة فى جدوله الدراسى للفصل الحالى .

يااخوان ممكن اعرف كيف احصل على الجدول ؟
هل معنى هذا الكلام انه لازم اراسلهم بعد تسديد الرسوم؟
وهل هذا الكلام منطبق على جميع الطلاب؟
وكيف الجدول لاينزل تلقائياً ؟ ؟
ياليت اللي يعرف يرد . .

[ليتني افداك]

يعني بعد التسديد تتابع الجدول لو مانزل تراجع الجامعة خلال 24 سااعة من السداد

الله يوفقك ويخليك لعين ترجيك

[أبي سلف60مليون]

المقصود من هذا الكلام ما يلي:

بعد تسديدك لرسوم السمستر الجاي تنتظر 24 ساعه على أقل تقدير يعني مو تجي بعد 20 ساعه مثلاً وتقول فين جدولي ما نزل بالأودس شكلهم سرقوني نصابين اخذو فلوسي وما نزلوو جدولي وزي كذا ^^ >> عارف حركاتكم يالشباب مافي تفاهم على طول مضاربه خخخخ

الشي الثاني بعد مرور 24 ساعه على السداد تدخل على نظام الأودس حقك (مو شرط اساسي انك تدخل بعد 24 ساعه يمديك تدخل بعد اسبوع لو حاب ^^) والمفاجئة الكبرى أنك ما حتلاقي جدولك نزل خخخخ ...

ليش ما نزل جدول؟؟

لأنك لسى ما قلت للجامعه إنت أيش حتدرس من مواد ..
بمعنى تكون راجعت خطتك الدراسية لقسمك وشفت المواد اللي تقدر تدرسها بهذا السمستر
فتروح على أيقونة الحذف والإضافة وتختار منها المواد اللي تبي تدرسها
كل ما أخترت ماده وحددت بأي شعبه راح تنزل زي ما أخترتها بجدولك بعد فتره مدري كم يمكن يووم ويمكن ساعه على حسب
وموو اي شعبه تختارها حيقولو شوبيك لوبيك تفضل طال عمرك لا لا يمكن تكون الشعبه إتعبت بالطلاب فبكذا لازم تختار وحده غيرها وهكذا على جميع المواد

النصيحه الأخيره بما إنك سنه أولى تخصص (خصوصاً إذا كنت سالم من التعثر في مواد بالتحضيري) أنصحك تمشي على خطة القسم بدون فلسفه وإذا فهمت وتعودت على قسمك ساعتها تفلسفي في الشي اللي تشوف من مصلحتك (زي مثلاً مادتين دسمه نازله بسمستر واحد تقوم تضيف وحده منها بس وزي كذا) والحمد لله وقت الحذف والإضافة كبير يعني مافي داعي تستعجل بقراراتك ولو حصل وإستعجلت بإضافة ماده ممكن تضرك مثلاً عندك وقت كافي ترجع تحذفها والعكس صحيح^^

أتمنى أكون أفدتك .. وإذا ما فهمت على شرحي للهرجه
أصحك تقول عييييييد ^^ خخخخخخخخ

دروبك ( +a )^^

[aziz8008]

المشاركة الأصلية كتبت بواسطة عالي المعاني هذا اللي مكتوب بالأوديس وهذا اللي لخبط مخي مافهمت : يااخوان ممكن اعرف كيف احصل على الجدول ؟ بعد سداد الرسوم وبالكثير 3 ايام وينزل لك الجدول هل معنى هذا الكلام انه لازم اراسلهم بعد تسديد الرسوم؟ لا مو لازم تراسلهم بس اهم شيء انك تسدد وتتأكد ان رقم الفاتوره اللي هو رقمك الجامعي الصحيح وهل هذا الكلام منطبق على جميع الطلاب؟ اترك الكلام اللي مكتوب هذا يطلع لجميع الطلاب وكيف الجدول لاينزل تلقائياً ؟ ؟ بعد السداد ينزل الجدول تلقائيا زي ماقلت لك من يوم الى 3 ايام بالكثير وتقدر تحذف وتضيف اذا بدأ وقت الحذف والاضافه ياليت اللي يعرف يرد . .

الردود في الاقتباس

بالتوفيق

[foha]

احسن شي لاتسدد وريح رااااسك خخخخخخخخخخخ

[عويدل]

الله يعينك اخوي

انا كمان سددت صار لي اسبوع .. وانتظر امتى تظهر لي ايقونة الحذف والاضافه

ولا طلع شي

والجامعه نراسلهم و لاحد يرد علينا ..

[أبوفهد1]

إذا نزل التقويم الجامعي انظر إلى تاريخ بداية السداد اي سداد الرسوم وتاريخ نهايته ثم بعد اتجه في تاريخ ذالك اليوم ثم استخدم الصراف الآلي الخاص بالبنك الذي فيه حسابك وسدد رسوم الجامعه 3000 ريال .. وقبل أن ترسلها تأكد من الرقم الجامعي الخص بك ثم قل بسم الله وارسل .. بعدها اجلس في البيت وانتظر 24 ساعه ثم شيك على الجدول الدراسي في صفحتك تجده بإذن الله امامك وإذا لم تجده انتظر ايضا 24 ساعه اخرى وذلك تمام ال48 ساعه فإذا لم ينزل ارسل رساله عن طريق المعاملات الاكترونيه واخبرهم بأنك ارسلت ولابد يكون ورقة البنك الصغيره بعد ما تسدد تخرج احتفظ بها وارسل رقم الإيصال ..
وتجنب السداد في يوم الاربعاء سدد يوم السبت إلى الثلاثاء وهذه وجهة نظري لان الخميس والجمعه في عطله الشباب شباب الجامعه ..