رد: حملة نسوية ترفض دعاوى التحرر والتغريب شعارها "ولي أمري أدرى بأمري"
باين من اسمائهم هما اولاد مين
وواضح تمااااام الوضوح انهم من جميع الطبقات الاجتماعية زي ماهو مكتوب
زي ما قالوا حبايبي شفافة ودافنشي وهنودة الله يسعدهم يارب
اصلا اسم الحملة يجيب الغثيان
هما مو عارفين ايش صاير
ايش المعايير اللي ناويين يعملوها؟؟؟
بما انو ولي امرها ادرى بمصلحتها خلي هوا يقرر ايش المول اللي تروحو
ولا من أي ماركة الشنطة الي ناوية تشتريها
ولا اي ساعة تناسب خاتمها
ولا اي فستان تلبس في فرح اختها
بس يتدخل في دي الامور لانو ادرى بامرها خلينا نشوف ردة فعلهم
بعدين خلوهم يجوا يقولولنا رأيهم بس ولي امرهم يزوجهم بدون شوفة شرعية
يزوجهم وهما اطفال
يزوجهم وياخد مهرهم
يطلقهم لانو زوجها مو من نفس النسب والحسب
يحرمهم من التعليم
او يخليها تشتغل وياخد راتبها
ساعتها خلينا نشوفهم
اللي يدو في الموية مو زي الي يدو في النار
|