يا شباب بقولكم ممكن تعطوني افضل أسامي لدكاترة حقون مواد المستوى الثالث ...
المواد : برمجة 1-اسلاميات 1- احصاء-مقدمة حاسب- اساليب الكتابة العلمية - ونا يمكن أزود مادة لغة عربية 1
|
انا بأعطيك الدكاترة اللي درست عندهم ... وكيف كانوا ..اما افضل الأسامي صراحة ماعندي خلفية طيبة عشان اجاوبك عليها ..
1- برمجة النظري ... انا أخذتها عند الدكتور دانيال ... وصراحة الدكتور شرحه ممتاز((كله إنجلش)) بس واجباته كثيرة وكوزاته مفاجئة (( كوزين راحو علي عشان كنت غايب )) ... و ترى كثيرين يرسبون عنده ... بس لاتشيل هم إذا شديت حيلك معاه وكنت تشارك معاه اول بأول ... إن شاء الله امورك بتتزبط ...
برمجة عملي ... اخذتها عند الأستاذ احمد بالفقيه .... والله قليلة بحقه كلمة عسل .. أنصحك وبقوة إنك تاخذ المعمل عنده .
2-إحصاء اخذت المستوى الأول .. اعتقد انكم غلقتوه ... المهم انا درستها عند الدكتور اشرف بركات ... صراحة شرح مميز وباللغة العربية ... و الله يوفقه على الدرجات الي دفنا بها ..
3- مقدمة حوسبة ... درستها عند واحد لقبه الشمراني ((كان اول ترم له في الجامعة )) ... الدكتور حقاني .. وشرحه جيد جداً .. الشعبة عندنا كانت الدرجات ياممتازة مررة يا طايحة مررة مافي وسط(( انت إن ذاكرت المادة اول بأول بتجيب درجة عالية إن شاء الله )) ...فاكر انهم نكبونا في الدوري الثاني .. قالو لنا معاكم شباتر معينة في الإختار ولمن ذاكرنا منها تفاجأنا انو الشباتر اللي في الإختبار مختلفة ...عموما الدكتور مو سيئ لكن سمعت انو الدكتور الثاني افضل منه ..للأسف ماني فاكر إسمه والإختبار هو اللي يكتبه .. (سمعت انه يزود درجات
)
4- أساليب الكتابة العلمية ... في واحد باكستاني يدرسها انصحك تاخذها عنده وابعد عن واحد لقبه تيفوتي ... تيفوتي إذا انك حابب تستفيد وتنمي مهارتك خذها عنده .. بس افضلك الباكستاني لأن في الإختبار النهائي بتحس بالفرق ((( في الإختبار النهائي كان في تعبير .. اللي يدرسون عند تيفوتي لازم يكتبونه اما اللي عند الباكستاني مو ضروري يحلونه ))احسن لك خذها عند الباكستاني ..
5- لغة عربية .. خذها عند دكتور إسمه بابكر ...قليلة بحقه كلمة ممتاز .