سؤال
بما انكم دخلتو مليون موضوع في موضوع
تتفرجو برنامج خواطر حق أحمد الشقيري ؟؟؟
شايفين اليابان فين طارت واحنا جالسين هنا نتكلم عن الاختلاط
ترا الكلام هادا والنقاشات الي لاتودي ولاتجيب هوا الي مأخرنا ومخلينا ورا مرا ماننشاف
هههههههههههههههههههههههههههههههههههههههه الله يهديكم
حبيباتي ردودكم تشعف الواحد منجد
زي الي بيقول انو الي اهلها ماخلوها تدرس طب ومدري ايش مبروك ليها وشويا حيسوي حفلة
عشان ابوها يخاف عليها
طيب والي دخلت الطب ماعندها أبو مربيها وعارف أخلاقها ودينها وواثق في بنتو وخايف عليها !!
ولا الي بتقول انو روحو شوفو البنات كيف المكياج واللاب كوت الضيق
طيب ربي ماأمرنا نستر ع الناس ؟؟ ربي ماأمرنا نحسن الظن بالناس ؟؟
ولاتقولو هيا الي جابتو لنفسها
اظن انتو تبغو الدين على هواكم !!
طيب ياحبيباتي ازا تبغوهم يمنعو الاختلاط في مكان للتعليم !!
الأولى انو يمنعو في كل مكان في السوق الشارع البنك في كل مكان
انا مني عارفة حاطين نقركم من بنات الطب ليش قاعدينلهم ع الدقة والدقيقة
وفي النهاية ايش ؟ تعالو اكشفو على حريمنا
بجد كلامكم مرا يجرح يعني ناسين انو هادي الدكتورة كمان انسانة وعندها مشاعر زيكم
وناسين انها ضيعت 7 سنين من عمرها عشان تستر عورات حريمكم !!
لحد يقولي احنا ماقصدنا كدا احنا قصدنا مانبغا اختلاط
خلااااااااااااااااص ياناس
لمتى نجلس ندور على أشياء تافهه ونسوي من الحبة قبة
ازا اهلكم مارضيولكم تدخلو طب طيب خلاص ايش المشكلة سيبو الناس التانية تدخل ميولها وي !!
والله اني اعرف بنات في الطب قمة في الأدب والأخلاق والدين
ترا منجد خلاص قلك اختلاط الي يسمعكم يقول الدنيا كلها مهي اختلاط
ياسبحان الله
ياناااااااااااااااااااااس كبرو عقولكم
وسيبو الخلــــــــــــــــــــــــق للخـــــــــــــــــــــــالق
كلنا حنتحاسب وربي الي حيحاسبنا
الله يهديكم يارب لو كلنا مشينا بتعاليم الاسلام حرفيا ماكان دا حالنا مو ناخدو على هوانا استغفرالله
ومنجد اشوف الموضوع يتقفل أحسن لأنو مالو داعي صراحة
=)