مسا الخير جميعاً شباب وصبايا
اول شي احب ابارك للمقبولين في الجامعة وعقبال التخرج إن شاء الله .. واللي ما حالفه الحظ إن شاء الله ينقبل في المرات الجايه بإذن الله.
الحمدلله تم قبولي في الجامعة بعد جهد جهيد
بس سؤالي يا أخوان هو أنه بعد ما تم قبولي ووصلتني بطاقتي الجامعية شفت انهم حاطيني إداري وإنساني اللي ابغى اعرفه طيب ايش معنى ما خيروني مثلاً بين الاختيار بين الإداري والإنساني في كلية الإدارة والاقتصاد أو الأدبي في كلية الآداب .. لأنه كيف بيحطوني مثلاً في كلية وهم لسه ما عرفوا ميولي الدراسية فين؟
وأرجو التصحيح لو كنت غلطان لأني بصراحة ما أعرف تفاصيل الدراسة في الجامعة.
أتمنى الرد يا أخوان وتوضيح الصورة بالنسبة لي ولكم جزيل الشكر
