رد: دقت الأجراس تنبأ بقرب الغربة >>> للمغتربين في جدة فقط
في البداية راح تكون صعبة اكيد..يعني كل شيء جديد سكن ناس جدد الجامعة طريقة التدريس الدراسة ....الخ
ويعني لو جاكم احباط وحزن في البداية فهو شعور طبيعي..المهم ان انتو ماتخلو هالشعور يتمكن منكم وتحاولو قد ماتقدرو تتكيفو مع الوضع قد ماتقدرو وتصبروا..اذكر انا والله ما ابالغ اول شهر مافتحت كتاب من كثر ما كل شيء جديد علي السكن والدراسة والجامعة ..لاكن مع الايام بديت اتعود وخاصة ان البنات الي ساكنين معي كنز وربي صارو اعز الاخوات على قلبي..وكنا مرة متعاونين الحمد لله اي خبر عن اي شيء بالدراسة نقول لبعض نتساعد ونشرح لبعض
وكنت كل ما احس ان هموم الدنيا فوق راسي ومالي خلق اذاكر اتذكر ان احنا جايين عشان هدف ولازم نسعى له قد مانقدر واضغط على نفسي ..والله بتحسوون بهذا الشعور انكم في تحدي مع انفسكم..والصبر والارادة هم اهم شي لازم تتمسكون فيه من بداية الدراسة...وان شاء الله ربي يوفقكم وينولكم مرادكم ياارب ويفرحكم زي مافرحنا..:)
|