[واقعية]

المشاركة الأصلية كتبت بواسطة dr.hope اول شي عظم الله اجرك اختي واقعية بس بصراحة استغربت ان الاعضاء ما يدرو انو حتى المقابر في للسعودين وفي لغير السعوديين وعشان ما نروح بعيد عندنا في جدة مقبرة امنا حوا ما يدفنو فيها الا سعوديين والغير سعودي يندفن فيها ( بالواسطة) ايوه بالواسطة ومو اي واسطة كمان >> لاحول ولا قوة الا بالله لكن زي مقبرة الفيصلية يدفنو فيها سعوديين وغير سعوديين والله قصتك محزنة اختي واقعية وذكرتيني بقصة سمعتها صارت قبل شهر انو في ولد اتوفى في طريق جدة الرياض في حادث الولد مو سعودي وعمره 21 تقريبا وطبعا اللي مو سعودي يندفن في المكان اللي مات فيه او اقرب مدينة لمكان وفاته اللي كانت الرياض ( وممنوع ) ينقلوه يندفن في مكان اقامة اهله ومكان الاقامه اللي هوا عايش فيه اللي هيا مدينة جدة طبعا ما رضيو الين ما راحو مكتب الامارة في الرياض ودخلو على أمير هناك وكتبلهم خطاب بالموافقة على نقله ولمن جو يبغو ينقلوه وحجزو عالطيارة ما رضيو يدخلوهم قالولهم معاكم ميت وروهم الخطاب وبرضو ما في فايدة المهم في النهاية نقلو الميت بطيارة خاصة وبرضو لمن وصلو جدة سارت لهم كم مشكلة وماني عارف ايش في النهاية دفنوه في مقبره في شرق جدة بعد ما تعبو مساكين يعني جلسو يومين عشان يدفنو ميت مع ان اكرام الميت دفنه والقصص اللي زي كدا واخص كثيييييييييييييييييييييير الله المستعان

اجرنا واجرك اخوي
بصراحة حتى انا اللي صاير معي هالكلام ما استوعبته بس غصبن عني لازم استوعبه لانه حصل واللي صار صار وكمان لانو ماقد مات لنا احد ومالنا معرفة بهالاشياء
نحن اصلا بجدة بس الوالدة كانت وصيتها انو نصلي عليها بالحرم وتندفن في مكة ولما صلوا عليها وخلصوا ودوها عمقبرة المعلاة اللي هناك وهي المقبرة اللي رفضوا تندفن عندهم لانها مش سعودية هدا الكلام بالظهر لما حاولوا معهم بكل الطرق كنهم وشافوا مافي فايدة راحوا منها على الشرايع والشرايع مرة قريبة من الطايف وما اندفنت الا بعد العشاء كل هدا ليش لانها يهودية قصدي غير سعودية
بجد شر البلية مايضحك
الحمدلله على كل حال وبس
شرفني مرورك الطيب اخوي
تحياتي لك ,,,