سوما
أنا ضد إن الواحد ومراته يجيبوا ستين ولد !!!
ليش تفلت أولاد في زمن قلت فيه الوظايف ، غليت الأسعار ، كثرت فيه البلاوي والمصايب والذنوب ؟؟؟
أنا ما تطرقت لهذا الموضوع إلا لأنه سبب من أسباب إن الواحد يجيب خادمة ...
صح إن الرسول - صلى الله عليه وسلم - قال في حديث في ما معناه: تكاثروا فإني مباهٍ بكم الأمم يوم القيامة . بس هذا مو معناه إنك تجيب عشرة !!! لازم نتحمل مسؤولية البلاوي اللي تصير في بلدنا ، ليش نحوج نفسنا أساسًا إننا نجيب خدامات ؟؟؟ نحتاجهم صح ، لكن مو بدي الكمية ( ناس يجيبولك 3 - 4 خدامات ليش ؟؟ ) ولا نجيبهم إذا ما نعرف حقوقهم وحقوقنا !!!
يعني في ناس يضربوا الشغالات !!! ليش ؟؟؟؟؟؟؟؟؟؟ إيش الفرق بينك وبينها ؟؟؟ يعني كأن مديرك في الشغل يجي يضربك ، هي تشتغل بكيفها شغالة ، يعني عجبك شغلها خليها ، ما عجبك مشيها من غير دوشة وكلام فاضي ،
جيبوا شغالات ، لكن قبل ما تجيبوهم حددوا ليش جايبينهم ، وفهموهم ليش جايبينهم ، وحدودهم واللي ليهم واللي عليهم ...
وكونوا عقلانيين مو بلاهة وفشخرة ومسخرة ، إذا شفتوا إنكم في غنى عن الشغالة مشوها ...
هذا اللي عندي