[ام حمدان]

المشاركة الأصلية كتبت بواسطة vista.pre السلام عليكم ورحمة الله وبركاته اختي أم حمدان .. اولا .. الله يوفقك ان شاء الله وتحولي انتظام .. بس انا استغربت من رد اختي نارا .. انو من الشروط يكون مضى على شهادة الثانوية اقل من 3 سنوات .. مع العلم اني فتحت موقع الجامعه ومكتوب من ضمن شروط التحويل .. ألا يكون مضى على شهادة الثانوية أكثر من خمس سنوات من تاريخ حصوله عليها.. ؟؟ وأبغى منك خدمة يااختي دحين انا اتخرجت من الثانوية عام 1423 / 1424 هـ وتاريخ تسجيلي بالجامعه 1429 يعني السنة اللي راحت .. يعني على حسب ماحسبتها من تاريخ تسجيلي بالجامعه خلصت 5 سنوات ..!!! وماني عارفة هل تنطبق عليا الشروط ولا لا ؟!! انتي كيف حسبتيها .. لاني حسب مافهمت لك 4 سنوات من تخرجك .. وانا معدلي جدا عالي الحمد لله .. واتسكنت بكلية الاقتصاد والادارة .. وللاسف ظروفي صعبة وبجد نفسي احول انتظام .. يعني هل في امل لو شرحتلهم وضعي يحولوني .. ؟ :( أسأل الله التوفيق للجميع ..

الله يسلمك ويحققلك الي تتمنيه يارب
بالنسبه لي بعد ماتخرجت جلست اربع سنوات والسنه الخامسه تسجلت ودرست السنه التحضيريه الي هي السنه الي راحت وقريت انه من شروط التحويل مايكون مضى اكثر من 3سنوات على الشهاده فرحت على طول ارسلت للعميد عبد الفتاح مشاط وقلتله انه معدلي ممتاز بس مشكلتي تقادم الشهاده ورد علي ثاني يوم وقالي انه الطالبات الحاصلات على مثل معدلي نقبلهم على طول وما علق عالسنوات
وقلي روحي قدمي من العماده طلب التحويل ورحت قبل امس ولقيتهم في اجازه بس انا الحين انتظر نتيجه الطلب الي قدمته عن طريق الاودس لو ما جاني شي براجعهم واشوف وش الحل
بعدين ممكن اعرف انتي وين شفتي انه مكتوب 5سنوات يمكن يكون هذا كلام جديد واحنا ماندري
عموماً الله يكتب الي فيه الخير واعتقد انهم بيبدأون باللي سنوات تخرجهم قريبه بعدين احنا اذا فضلنا مكان بيحولونا ربك كريم اتمنى اكون افدتك موفقه ياعزيزتي