[راوين]

ومثل ما وعدتكم هذا لعيونكم :
جلست أفكر في حل لمشكلتي بس انا مو عارفه ايش اعمل قلت ما في غير ابله حياة الحل عندها ان شاءالله
شغلت نفسي خميس وجمعة بتختيم المواد الحفظ خلاص تقريبا الأسبوع الجاي اخر دوام لنا
فبدأت اختم ختمت الفقه والأدب والحمدالله اني بس اختمتها لان طبيعتي اذا كنت أفكر او وراي شئ اسرح كثييييير بعدين ارجع للكتاب
مرت هاليومين على خير وجاء يوم السبت(يوم الأحداث والمغامرات) و رحت المدرسة جلسنا نسولف في الصباح انا وزميلاتي عن الجدول ومتى ينزل وكذا
بعدين قلت لهم:بنـــــــــــــــــــــــات وربي هماااااااااااانه قولولي ايش اسوي؟؟؟؟
قالت مروه:والله يا راوين جلست افكر فيك والله رحمتك الله يعينك حتى احنا ماجاوبنا بس ايش بيدنا نسوي .
قالت إيمان: اوووووه راوين انتي الى الحين ما اقتنعتي خلالالالالاص زي ما قالت شوق الظاهر مافي امل ابدا فكيها يا شيخه شوي عشان كم درجه تسوين بنفسك كذا شوفي وجهك كأن احد ميت عندك .
قالت خوله:ايوه راوين فكيها شوي وحاولي مره ثانية يمكن تغير رايها.
كنت اسمع كلام زميلاتي بس محتاره ايش اعمل
قلت :طيب ايش رايكم اروح لابله حياة وشوف رايها يمكن عندها حل .
قالت إيمان:صح والله هذي الابله عندها افكار ماشاء الله عليها خخخخ انصحك روحي لها وشوفي ايش تقولك
قلت:خلاص ان شاء الله اروح الاولى إلا من عندنا الاولى ؟؟؟؟
قالت خوله:الاولى والثانيه ابله زينب
قالت ايمان:أوووووووووف يالله صباح خير استغفر الله بس
قلت في خاطري الله يعينك يا راوين استحملي شوي
دق جرس الطابور و رحنا وبعد الإذاعة على طول
طلعنا للفصل وشوي كذا جات ابله زينب ردت السلام
وقالت:خوله جمعي اوارق الواجب الاسبوعي (على فكره احنا كنا ما نأخذ واجب بعد كل درس لا كانت تعطينا في الاسبوع 5او6تمارين على كل دروس الاسبوع يوم الربوع ويوم السبت تجمعها ويكون عليها ربع درجة وكذا كل اسبوع)
قامت خولة وبدأت تجمع الأوارق طبعا في هذي الايام ما كانت تكلم احد خارج الدرس إلا خوله أما إحنا صارت
تخلينا نشارك بس في الدرس وبدأت تعلق على أجوبة ايمان لما تجاوب لانها كانت تستعبط و تشمق فيها فكانت تتريق عليها كثيييير المهم كان عندنا ذيك الحصة
حل تمارين الدرس الأخير ويالله بدات تقومنا على السبورة بلأسماء أما أنا كنت سااااااااكته وهاجده بس
انقل الحل من السبوره كأني مشرفه ولما جاء دوري
قمت عاادي وكان تمرين سهل على طوول طلعت السبوره بكل ثقة وبديت أحل وخلصت وعلى طوول رجعت مكاني
من غير ما انتظر تعليقها على حل التمرين
وهي اخذت تشرح للبنات فكرة التمرين وكذا انتهت حصصها وخرجت @@
وكان عندنا أبله خديجه(معلمة النحو والأدب) أخذنا تمارين اللي اخر الكتاب بس كم تمرين وقالت
اللي عندها أي شئ ما هي فاهمته تسأل عنه وبدوا البنات سألونها عن اللي الاشياء اللي ما حلتها معنا زي تمارين الواجب بدأت تحلها معنا
وقبل انتهاء الحصة بربع ساااعه خرجت انتظرت بعد خروجها 5دقائق وخرجت
رحت لابله حياة (ابلة حياة وابله زينب في نفس الغرفه)كلمتها وخرجت لي وبديت اخبرها
عن الحوار اللي صار لي مع ابله زينب
وقلت لها:شكل يا ابله ما في فائده منها نوريني ايش اعمل وكيف اتصرف انا في ورطة كبيييرة؟؟؟؟
قالت:استهدي بالله راوين ايش رايك تكلمين المرشدة وتشرحين لها وضعك وهي تحاااول تصلح الوضع بينكم؟؟؟
قلت :والله مو عارفه محتااره وبعدين اخاف لما تدري اني رحت خبرت عليها تزعل و تعند كمااان وأزيد الطين بله
قالت:هو يمكن صح كلامك بس خلينا نتوقع الاحسن بس نصيحتي لك لا تسكتين عن حقك لو شو يصير
قلت:أكيد ما راح اسكت يالله نروح للمرشده واللي يصير يصير خلالالالاص احس اني تعبت من التفكير مشكوره يا ابله وتعبتك معاي اعذريني اذا ثقلت عليك
قالت:لا عااادي ايش دعوه ما سوينا شئ والله يوفقك يا راوين قلت :آمين وإياك تسلمين وشكرا مره ثانية
رحت من عند ابله حياة وعلى طوول نزلت تحت لغرفة المرشدة بس ما لقيتها
قلت احسن لاني مو مره مقتنعة بهذا الحل رحت فصلنا وخبرت زميلاتي باللي صار
وفي ذا الوقت دق الجرس وبعد كذا نزلنا الفسحة اذكر ما شريت ذاك اليوم شئ وحتى ما سولفت
لان جاتني فكره اني اروح مره ثانية لابله زينب واحاول استعطفها واعتذر عن اللي صار مني مره وحده
فقلت خلالالاص تم والله دخلت الفكره في راسي
وما دريت إلا بالمويه اللي على وجهي
قلت:ويه يمه بسم الله وش ذا؟؟؟؟
وانظر احصل كل زميلاتي مسطحيييين ضحك على شكلي ثم تقول إيمان:صح النوم حبيبتي لو كملتي نومك كوابيس سعيده هههههههههه
قلت:والله شكل مافي غيرك اللي كبها علي
قالت إيمان :حراااااااام عليك تظلميني انا بريئه هههههه
ثم تقول عبير:راوين والله اللي جابت الفكره وهي اللي كبتها عليك كماااان (خخخخ وتخرج لسااانها لإيمان)
هذولي الثنتين شكلهم بجنوني الحين الله يسعدهم كااااااااااااانت أياااااااااام ما في احلى منها
قلت:أنا اوريك اليوم طيب
وأروح وسط توسلاتها المقصف واشتري عصير بعدين قلت حرام اكبه عليها كله خليني اشرب شوي منه
والباقي انتقم منها رجعت طبعا ما لقيتها سألت البنات قالوا
ما ندري نذاال حتى الباقييين
ضدي انقهرت منهم قلت شكلهم توعدتهم
واروح ادور المرسة ادورها و برضو ما لقيتها يسئت منها و رحت الحمامات الله يكرمكم
وفجأة لقيتها قدامي قلت:جاءك الموت يا تارك الصلاة قالت:لالالالالالالاالله يسعدك ويوفقك وان شاء يارب ابله زينب تعيد لك الأختبار يارب
قلت :عشان طيبتي الزااايده ودعوايك بأعفي عنك وإلا ترى كنت ناويه اوريك شغل الله بس يالله نعتقك لوجه الله هههههههه
قالت إيمان:يا قلبي والله انك عسل وما في أعسل منك إلا أنا هههههههههه
المهم انتهت الفسحة ورحنا الفصل والحمد الله ابله ناديه(معلمة الدين)غائبه فرحت و على طوووووول رحت وقلبي يرجف من الخوف والإرتبارك دقيت الباب
وقلت:السلام عليكم ابله زينب معليش ممكن شوي؟؟؟
قامت خرجت و انا وقفت على طرف الباب
بعد شوي خرجت قالت :ها راوين ايش عندك كمان؟؟؟
كل الكلام اللي كنت مجهزته في عقلي بعد كلامها طاااااااااار واحس وجهي حمر من الفشلة كأني جالسه
اشحذ من عندها قلت يا بنت اصبري وكملي اللي بديته
فقلت:ابله والله ليلة الاختبار كنت مشغوله وحصلتي لي ظروف وما قدرت اذاكر زين
قالت:انتي الى الحين مصرة على موضوع الإعادة والله يا راوين اذا عدت لك الاختبار حيتهاونون زميلاتك وبعدين كل وحده منهم تجيني وتقول ما ذاكرت وما مدري ايش يا ابله عدي الاختبار وعدي الأختبار
قلت :اذا على زميلاتي انا اكلمهم بس انتي عدي لنا الأختبار حتى ولا وحده منهم جاوبت
قالت:إلا خوله ما شاء الله عليها جابت 9وهي اعلى درجة .
قلت:طيب خوله ما شاء الله عليها شاطره بس انتي عطينا فرصة لو مرة وحده وصدقيني ما راح اجيك مره ثانية حتى لو جبت صفر قالت:طيب انا راح اعيد الأختبار بـــــــــــــــــــس على شرط ان كل البنات على الأقل يحلوون و جيبون على الاقل فوق الـــ6وإلا ترى راح اثبت درجات الأختبار هذا ها ايش قلتي؟؟
تصدقون في البداية فرحـــــــــــــــــت لكن لما قالت زميلاتي لازم يحلون طيب انا ايش ذنبي اذا ما حلوا لا سمح الله
قهــــــــــــــــــــــر بس يالله شئ احسن من لا شئ
قلت:خلالاص تم ابشري ما راح يصير إلا اللي يرضيك قالت:خلاص اتفقنا راح يكون بكره وخبري دلال اوكي
قلت: إن شاء الله تسلمين يا ابله والله يجزاك خير وشكرا
ورحت وانا فرحااااااااااااانه و اقول الحمدالله ربي فرجها من عنده الحمدالله الحمدالله@@@
انتظروني في البارت اللي الجاي ويوم بكــــــــــــــــــــــره وما سوف يحدث فيه من المفاجأت والأحداث المثيره
دمتم بألف ود