تذكروا (((( اعذب الحب اصدقه واعذب الشعر اكذبه ))))
انا و آمـــــــــــال
كل ليله قبل انام لازم اقرأ ولا اكتب
ولا احشش ولا اشرب
ولا اكلم وحده للفجر واجلس اكذب
يمكن اقرأ في السياسه ويمكن اقرأ علم نفس
ويمكن اقرأ في روايه منتهت من امس
وشكلي الليله ابي اكتب من زمااااااااااااان ماكتبت
هاجسي وأعرفه يحفني حف ويشفني شف
ويزف لي احلى المعاني زف
وصارت الساعه ثلاث ................ وماكتب اي شي
مافي بالي حد بعينه ؟!!
يمكن اكتب في وصال .... ويمكن اكتب في منال ...... ويمكن اكتب في دلال
مافي بالي حد بعينه ؟!!
وصارت الساعه خمس وطلعت علي الشمس
وانا بين ثلاث انفس
نفس تقول قم نم ...... ونفس تقل اجلس
ونفس تقول حط القلم خلاص ماعاد به هاجس
وصارت الساعه خمس وخمس وبين لحضه واختها همس في أذني الي همس
قال وش حكاية فاطمه ؟؟؟
الحكايه باختصار كان اسمها فاطمه وصار اسمها (( آمـــــــــال )) هذا هو الي صار
ماعمرها حبت دايم وهي تنحب
مستريحه وغيرها الي يتعب ... ويشقى
ويشيب وبالنار ينشب
اجمل بنات امنا حواء .... واعذبهم
واصدقهم
واكذبهم
واقساهم
واللينهم
حبوبه ورعبوبه
تهمس تستنخ رجال
ترمش تستخف اقل العقال
لعنبو جد ... جد .. إبليسها
الله مااحلاها ... تندس بين الكبد وغشاها
ولكن على؟.. من حبت .. وتشنكلت
وطاحت على فمها ..... وسال دمها
وملكتها من راسها حتى ساسها
حتى اسمها انا الي غيرته ....
كان اسمها فاطمه ...... وصار اسمها (( آمــــــــــــال ))