[tooowwwt]

المشاركة الأصلية كتبت بواسطة a7la-bntn السلاااااااااااااااام عليكم ورحمة الله.......

وعليكم السلام ورحمة الله......<<<<مرررره جات على كلمة وبركاته خخخخخخخ

أهلين حبيبتيa7la-bntn .... الحذف والإضافه تقدري عن طريقهم انك تختاري موعد المحاضره إلي يناسبك أو تختاري الدكتور إلي يناسبك وغير كدا تقدري تزودي عدد الساعات في جدولك,,,يعني عدد المواد أو بالعكس انك تنقصيهم كله حسب رغبتك وحسب قدرتك.

غير كدا يساعدك على تنسيق وقتك وترتيبه مع باقي المواد يعني ممكن ينزلك جدول من الجامعه ملخــــــــــبط وملياااان بريكات,,,فتحاولي تنسقيه وتضبطي المواعيد حسب إلي يريحك طبعاً كله حسب الإمكانيه وحسب الشعب إلي موجوده. وممكن كمان ينزل في الجدول مواد دسمه كثير فتشيلي وحده منهم مثلاً وتعوضيها بماده أخف عشان لا تنضغطي وزي كدا.

بالنسبه لعدد السنين هذا يعتمد كل تخصص له عدد معين من الساعات راجعي الخطه الدراسية لتخصصك حتحصلي عدد ساعات مقسم على انواع من المواد الحره ,الإختيارة ,العامه,و مواد التخصص
فأنت كل ترم تاخدي عدد ساعات وعلى حسب إذا انت تخلصي ساعات كثير في كل ترم فإن شاء الله تخلصي بسرعه وإذا تتلكعي ممكن نطول في الجامعه شوية

والصيفي بدري عليه بعدين حتعرفي تفصيله ولمن يقرب وقته نفيدك أكثر.

والكتب مو شرط انك تشتريها مع انه دائماً من الأفضل والأنفع إنك تشتري الكتاب, بس ما يضر إذا صورتي أو إذا كانت فيه ملخصات وسليدات تذاكري منها,,وطبعاً في النهاية يرجع للماده والدكتور وراح تاخذي كل التفاصيل مع أول محاضرتين من الترم .

تمنياتي من كل قلبي بالتوفيق للجميع