[صالح الحربي]

الدكتور فؤاد برادة ..
دكتور محترم وخلوق وطيب في التعامل مع الطلاب ومتفهم !!
الحقيقة أنا ما درست معاه 101 بس باقي المواد أسئلته تكون مقالية وما يضع أسئلة صح وخطأ واختيارات ..
بس غالبا الدكاترة في 101 تكون أسئلتهم خيارات وصح وخطأ نظرا لعدد الطلاب الكبير
لكن الأسئلة سهلة ويكفيك إنك تكتب اللي أنت فاهمه وتسهب في الإجابة وهو ما يقصر بالدرجات
من عادته الإسهاب في الشرح ويعطي المادة حقها ..
هو من الدكاترة اللي ما تشيل معاهم هم المادة

الدكتور صادق المالكي ..
أيضا محترم وطيب .. وتستفيد منه في أشياء كثير
أسئلته تتراوح بين مقالية واختيارات بحسب المادة وهو راجع من أمريكا هذي السنة يعني يمكن تغير شي بأسلوبه
يختبر من فترة لفترة اختبارات (open book) يعني يكتب لك أسئلة ويطلب منك تجاوب من الكتاب وهذا يستلزم منك إنك تكون قرأت المواضيع قبل كذا وعليها 5 أو 10 درجات
بس اللي أعرفه إنه مو كريم بالدرجات يعني المتوسط B


الدكتور وليد السديري ..
أنا أعتبره غير اللي تسمعوه دائما ..
هو دكتور فاضل جدا وخلوق ومحترم وتتعلم منه الأدب قبل العلم
وهو جاد في المحاضرات ويعطي تكاليف وواجبات واختباراته سهل ممتنع لكن شاملة (خيارات وصح وخطأ)
والدرجات ما يقصر فيها إذا حس إن الطالب مهتم .. ويعطيه حقه وزيادة
لكن إذا فيه طالب بيأخذ المادة حرة أو اختيارية عشان يرتاح ويأخذ درجات وهو يعرف نفسه إنه ما رح يجتهد فلا ينزلها عند الدكتور وليد
أما اللي يبغى يستفيد وعنده قدرة إنه يجتهد ويشد حيله فالدكتور وليد أفضل واحد تستفيد منه وتتعلم !!

أتمنى أكن أفدتكم بشيء .. وبخدمتكم في أي وقت
صالح