[MeeEeemaa]

ودي رجعتي من الكوليج..
روحت لمسرح الكليه ولطعووناا ساعه ونص بالزبط ..المهم ادونا اوراق وكتبنا اسمائنا ووقعنا..قامت وكيله الكليه انهار سندي ورحبت فينا وكانت جدا جدا طيبه . وبعدها استازه نجاة ميلباري (الا مكتبها في الشؤون) قالت لنا انو ازا في وحده تبا تحول لازم تروح لعماده القبول والتسجيل لنو هيا مالها صلاحيه ف التحويل و الا بطاقتها الجامعيه ضاعت او انتهت صلاحية بطاقه الصراف تروح للشؤون..وبرضو قالت لنا انو الجداول الا نزلت في الاوديس غلط من تقنيه المعلومات حتتعدل امكن بعد 3 اسابيع..وهما علقو جداول لنا من دون شعب يوم السبت حينزلو الشعب(مكانها فوق عند رئيسه القسم تبع التغزيه).. وتكلمو ع الغياب انو ازا غبتي ف اختبار نهائي لازم تجيبي تقرير طبي للشؤون والغياب عن المحاضرات ع حسب الاستازه الي تدرسك اما 20% او 25% حضور.. وبرضو قالت انو احنا نعتبر مستوى 3 مو 1..وبرضوو الي تجيب في اي مستوى معدل اقل من 2 ونص ينطوي قيدها وتتوقف مكافئتها لمن تجيب معدل اكتر ترجعلها المكافاه.. والي معدلها فوق 4.5 دي لها مكافاءه 1000 ريال تروح للشوؤن ومعاها جدولها.. وعن المكافاءه الي نقصت وسارت 840 قالت انو حتكلم الجامعه وتشوفلنا هيا..
بعدها تكلمت رئيسه قسم التغزيه استازه اماني انو حندرس 5 مواد نفس الي زكرتها خيتو عزت نفسي .. وقالت حاجا موهما انو ازا تخرجنا حنسير اخصائيات تغزيه مو فنيات لنو معانا بكالوريوس ..
بعدينا جات استازه سناء سرحان (ارشاد اكاديمي) غرفتها 113 نجيلها عشان نشوف اعلان مرشدتنا
لنو قالت تقريبا كل شعبه ليها مرشده..

امممممم واش كماان ..ايوا الباب يفتح الساعه 10 بس لازم حقت الامن تشوف جدولك وبرضو الي عندهم بريك ساعه اوساعتين او اكتر يمديهم يخرجو.. والبناطيل ممنوعه حتى لوكانت تحت الاب كوت
وبعدها عملولنا جوله ع الكليه.. ايوا صح قالو انو حيسوو حفلة العيد الاسبوع الجي
وبالنسبه ازا حيغيرولنا زي الدفعه 08 محد سألهوم ولا سألوهم عن المبنى الجديد مراا انقهرت وانا كان نفسي اسال بس صووتي مراا مبحوح ومافي احد اعرفو يتكلم بدالي:(..
وبـــــــــس اتمنــــى اكــــون افــــدتــــكم..
وماالو دااعي تجو الربوع وتعبونفسكم
ملاحظه:(ماااشوفت ولا مجموعه بنات مع بعض لابسين بلوزه سودا وجينز ازرق)