[soma al7elwa]

حبيبي رؤى

راجعي فتاوى "الاختلاط" كلها وشوفي

الاختلاط ماهو محرم تحريم مطلق

راجعيها اول من Google وتعالي كلميني

وبعدين لا تنسي اننا في تخصص يعتمد على الاختلاط بالرجال

إذا من باب اولى انك ما تدخلي مجال دراسة وعمل "محرم " في جميع المذاهب

دا اولا

ثانيا

طبعا تعتبر عقول بشرية يعني احنى ما نعتبر بشر الا اذا اختلطنا يعني يا نختلط مع الرجال ولا نبقى محنا بشر وليش لدينا عقول فعلا مقياس رائع للحكم

انا لما قلت الشي دا ما اتكلمت عن اللي بيعارضوا الاختلاط

اتكلمت عن بعض الأفكار بشكل عام وما حددت فكرة معينة بشكل خاص

وقلت كمان اني بحترم رأيهم وفكرهم دا

لكن لا تقوليني شي ما قلته

عموما اعتذر عن ما قلت إن كان ما يفهم من كلامي أني اعارض فكرا معينا

هذه العلاقة شي طبيعية وغريزة ربي في الناس ماتقدري تنفيها انا ما اقولك انها العلاقة والوحيدة بين الرجل والمرأة طبعا احنا أسمى من كذا ولكن هذا شي انتي ما تقدري تنفيه

الطبيعة تقول ان علاقتنا أن علاقتنا بالرجال عبارة عن علاقة جنسية مجردة؟؟؟

الرغبة الجنسية موجودة بين الجنسين يا دكتورة لكن ماهي الشي الوحيد عشان نحصر تفكيرنا فيه فلسنا حيوانات يا سيدتي لننقسم الى ذكر وانثى تجمعهم علاقة جنسية فقط

نحنا بشر عندنا عقول وقلوب ومبادئ وقيم واديان لتحكمنا عن الركض المجرد خلف الغرائز الحيوانية المجردة

هي موجودة لدى كل انسان ولكن حين نغيب عقلنا ونركض خلفها حينها يصبح الانسان والحيوان لا يختلفان في شيء

يعني دحين انتي تبغي تقنعيني انوا الرجل في الغرب ينظر للمرأة زي أختوا أنتي تعرفي انوا في امريكا تحصل جريمة كل دقيقتين انتي تعرفي كم نسبة الجرائم الجنسية الي عندهم

ما ابغى اقنعك في شي يا رؤى

وأظن كان قصدي واضح

والفرق بين تعامل السعودي والاجنبي مع المراة ايضا واضح وشوح الشمس

طيب كم نسبة الجرائم الجنسية عندنا؟؟؟؟

كل كم دقيقة عندنا تصير جريمة؟؟

انا عرفة عن امريكا ومشاكلها كل شي

بس بلدنا ايش نعرف عنو؟؟؟

ولا معتمدين على وكالة يقولون للانباء؟؟

احنى فينا الصالح وفينا الطالح احنى محنى منزهين أنا ما احاول ادافع عنهم لكن الشي السيء في كل مكان

كل البشر فيهم الصالح والطالح

الامريكيين والعرب واليابانيين والاوربيين والاستراليين وكل الناس

ليش نقول الكلمة دي تبريرا لنفسنا ونتهم غيرنا دايما بأن الاغلبية هم الطالح والاقلية هم الصالح؟؟

ولا مافي داعي أدخل لاني ما أحب اتبع عورات الناس ولكن بدل ما تدخلي اليوتيوب تدوري عن فضايح سعودية ابحثي عن نسب الجرائم الجنسية عندهم يا كثر جرائم التحرش عندهم سواء الأساتذة يتحرشوا بطالباتهم ويهددوهم بالدرجات والمعلمات الي يتحرشوا في طلابهم انتي تعرفي نسبة الحمل والاجهاض في مبكر عندهم قد ايه هذا وهما طول عمرهم عايشين في اختلاط ليش اختلاطهم ما منع هذا الشي انا ما اقولك انوا دا الشي موعندنا ولكن مو بالنسبة الشنيعة ذي انتي تعرفي عدد الأطفال الي من غير أهل أو من دون اب وتقوليلي احنى وهما هما هناك يدرسوا وطبقوا من الاختلاط من كثر المصايت الي عندهم بسبب هذا الشي

ما يحتاج أدور على مشاكلهم

كلها معروفة وواضحة للكل

هم بنفسهم يقولو ترا احنا عندنا وعندنا وعندنا وما يستحوا من أحد

عارفين انو حركات تحت الطاولة دي ما بتفيد مجتمعهم ولا حياتهم

واحنا؟؟؟؟

كم نسب الجرائم الجنسية عندنا؟؟؟

كم طفل بدون اب وام؟؟

كم عدد جرائم التحرش عندنا؟؟؟

كم عدد الحمل غير الشرعي والاطفال غير الشرعيين عندنا؟؟

كم طفل مرمي عند الزبالة سنويا عندنا؟؟

كم عدد الاجهاضات عندنا؟؟

وعلى أي اساس حكمنا انو الشي دا موجود بنسبة قليلة او غير موجود؟؟؟

فين الاحصائيات والدراسات والبحوث الحقيقة اللي تثبت هذا الشي؟؟؟

دااااائما وكالعاده نتحجج بدراساتهم الواقعية الحقيقة اللي بتظهر كل مشاكلهم بشفافية ووضوح وتقارنوها فينا اللي تقريبا ماعندنا أي دراسة حقيقية تبحث بجدية وعقلانية مشاكلنا . . كل شي لازم يصير تحت الطاولة

هناك بيبحثوا عن منع الاختلاط و الاقتداء بالمسلمين في كل شيء و و و دا الكلام كلو سمعته من وانا في الابتدائي

مافي شي اسمه وسط؟؟

يا اما نكون مانعين الاختلاط ونكون كدا يا سلام سلم وندّعي اننا حلينا كل مشاكل المجتمع يا نكون مختلطين ومبيحين كل شيء في هذا الاختلاط ؟؟

مافي حاجة اسمها اختلاط بحدود قانونية وشرعية ودينية واخلاقية بحدود الحاجة المعقولة؟؟؟

ما قلت نختلط 100 % جامعات ومدارس وفصول

لكن في اختلاط معقول

عموما

الأيام هي اللي راح تثبت ايش راح يصير

وكلامنا ماله أي فائده

سو هو أمر واقع وحاصل وآرائنا لا تعدو عن كونها اراء لا تغير في الحقيقة شيئا

:)