[أبــــرار]

اتناقشو في شي يفيـد اغلب الكلام اللي عن البنات حريات شخصيه

يعني تكون البنت حاطه ميك اب مهي حاطه هيا بكيفها و عن دا الموضوع وربي محد سامع

ان تبغو تتكلمو اول شي عن مبنى 3 واللي يسير عيني عينك في مبنى 3 و مو بس قدام الطالبات قدام الشؤون و حقت الشؤون ولا تقدر تفتح فمها ولا تقدر تسوي شي

ورابيس عن جد شي سيئ جدا لا وكمان ماتجي الساعه 2 ونص وخلاص قافلين و بنات التأهيلي ؟ اللي دواماتهم الين 7 تدوري بس مويه ماتلقي يعني مره يعانو .. و هادي حقت البيبسي نصها معدومه

مبنى العلوم << المبنى الجديد .. مره جيد و تحسيه من جد مكان تعليم بس عيبه فيه بروده مهي طبيعيه بالصيف بالشتا كلو نفس التكييف يعني شي يخليكي تمرضي لمن كنت اداوم فيه جاتني زكمه و ماراحت مني من البروده

شارع الحب استغفر الله بس عادة مايكون مليان و كدا بس ايام الانتساب تشوفي اشياء تفجع يعني هنا المشكله

انا عندي تجي البنت و على طول تخرج برا الجامعة و تسوي الشي اللي تبغاه ولا انها تجي و تقعد فالجامعه و تفرج البنات على مناظر سيئه مره

و بعدين حاسبي كم هائل من الطالبات تخيلي كل يوم تفتيش لكل بنت وهيا داخله عشان الجوال او عشان مرايا و ميك اب فين احنا

ترا الاعداد اللي بالمدارس تختلف عن الجامعة ..

صح في حاجه جديده الطريق للعلوم مسدود الترم دا حاطين حاجه كدا خير واحنا كيف نعدي

مصلى نصلي فيه برضو مافي

البساس سارت تتكاثر في انحاء الجامعه .. يعني ماني فاهمة الدادت مربين بسس وانتي ماشيه فطريقك تجي بسه ناطه قدامك شي ينرفز مره و من ترم لترم يزيد عددها بشكل مره واضح

وبس ^_^