الدوره التأهيليه يعني هي ايش بالظبط
|
هناك دورتين في الترم : وحدة لكلية الآداب و أخرى لكلية الإدارة .. فقط
الدورة التأهيلية = 3
أسابيع حضور للجامعة لكن ( اختياري ) مو ( اجباري )
بعد ما تسددي و ينزلك الجدول
= يبآن عندك ايش هية موادك المقررة عليكي في الترم
محتويات الجدول الدراسي :
اسم المادة + رقم المادة + الشعبة الدراسية + المبنى اللي تاخدي فيه المادة + رقم الغرفة
...
لا تجي الجامعة إلا و انتي طابعة جدولك عشان لو ضعتي يقدرو البنات يساعدوكي
...
ايش تاخدي في الدورة التأهلية ؟؟
بعض المواد لها 9 حصص في 3 أسابيع لمدة ساعة و ربع في كل حصة .. (
سبت واثنين وربوع)
وبعض المواد لها 6 حصص في 3 أسابيع لمدة ساعتين في كل حصة .. (
أحد و ثلاثاء)
...
طبعا يتم في كل محاضرة شرح الدروس بشكل مكثف جدا جدا .. و بشكل جدا مختصر و سريع
بحيث لمن تخلص الدورة تكوني فقط آخدة فكرة واضحة عن كل مادة ..
لا يوجد أبدا شرح تفصيلي ،، إلا اذا طلبتي من الأستاذة شرح لك نقطة من النقاط في أي مادة
...
بعد الإنتهاء من الدورة التأهيلية ،، تبدئي المذاكرة و إذا صعبت عليكي أي حاجة في أي مادة
تقدري تروحي لأستاذة المادة و تشرحلك في مكتبها .. إذا كان سهل عليكي الحضور
...
لكن ما ينفع تروحي الجامعة لأي أستاذة متى ما جا في بالك .. لا لا
في حاجة اسمها (((
الساعات المكتبية ))) بكرة تسمعيها في الدورة كتير .. خليكي مصحصحة
الساعات المكتبية :
هي الساعات اللي تكون فيها الأستاذة فاضية في مكتبها و تقدري تجي عندها
هذا اللي عندي .. و الله يوفقك و انتي منتسبة جديدة خلي عيونك 10 على 10 في البداية
بيسان ~