[د/كيف]

صبحكم الله بالخير
ياليت المشرفين والمراقبين والاعضاء واللي مر عليهم نفس هالموضوع يتفاعلون معي

انا قبل 3 اترام نزلت لي مادة ثقافه 401
ولم استطع اختبارها لضروف صحيه
توجهت لكلية الآداب بنفس الترم ولكن بعد الاختبار طبعا" وشرحت ضرفي لهم مرفقا" بتقرير طبي معتمد
وقال لي الموظف هذه الماده وكم ماده معها مايحتاج عذر
ادخل الترم الجاي واكتب فوق اختبار بديل وخلااص
الموهم :
دخلت الترم اللي بعده الاختبار وكتبت اختبار بديل
الموهم مانزلت لي الدرجه
رحت اراجع كلية الآداب قالو لي : راجع كليتك مالك حاجه عندنا انت مو اقتصاد واداره
قلت ايه بس هذي الماده عندكم وانت قلتوا كذا وكذا ,,,

وصرت رايح جاي من كليتنا الى كلية الآداب
آآخر شي قالولي الآداب تراك ناجح ودرجتك 80 بس لازم تحولها من dn الى am مدري وش
الموهم رجعت الشرقيه وماصار شي من واحد لواحد وتعرفون ظروف عمل واشغال الله يعين عليها ماقدرت اراجعهم تيلفون وتعبوني حيييييل كل واحد يحولني على واحد

الآن تخيلوا نزلت الماده لي في جدولي الترم الجاي

تكفون وش اسوي احذفها
واذا حذفتها من اللي بيحل موضوعي من عنده حل

اللي عنده اي حل يعلمني تراني تعبت والله

احترامي وتقديري لكم