شكراً لك ليلو
طيييب انا دحين صرت حلقة الوصل بين الطلاب وبين الدكتور
ايش في رأيكم أنسب طريقة للتواصل
عندنا الطلاب أقترحوا اننا نعمل قروب في الفيس بإسم الماده وإذا أعتذر عن طريق القروب أرسلهم رساله وكمان الدكتور يكون منضم للقروب,,,أعتقد أنها أفضل شيء
أو انه عن طريق الإيميل 
بس يبغاله الواحد قبل ما يروح للمحاضره يشيك على ايميله في كل الأحوال
مني عارف لو أتصلبي الدكتور وقالي مني جي بكره ايش أعمل يعني اتصل على كل واحد في الكلاس ولا أرسلهم كلهم مسجات ,,
إلي عنده فكره  يا ريت ينورني
|
السلام عليكم ^^
كانت محاضرة اليوم حلوه صح ,, بس برضوا مالنا حس غير الكحكه
فيمتو مسألة الفيس بوك احسها صعبه شويه مو شرط كل الاولاد مشتركين فيه
اسهلكم اعملوا قروب على الياهو ,, ولا ؟؟
او استخدم طريقتي
قسم اصحابك لقروبات كل واحد في القروب عنده ارقام جوال اصحابه في القروب نفسه
و انت اختار ولد من كل قروب خد رقمه و ارسل لهم لو اعتذر الدكتور و هم يقولوا لبقية الأولاد
على فكره سألت مكتبة الشقري عن الكتاب طلع مو موجود عندهم
الى الان محتاره اشتري الكتاب ولا اصوره
صحيح ممكن يا أخ فيمتو لو اخدتوا السلايدات من الدكتور سواء نسخه مطبوعه او في سيدي تحطوها لنا في مكتبه الشقري
و نكون شاكرين لك تعاونك و حندعيلك ^^