[الـتـمـيـمـي]

بصراحه انا حبيت اكتب مشاركتي عشان اشكي لك هم وتعب بداخلي .. ويقولون الإنسان اذا قام يفضفض يرتاح شوي .. عشان كذا اسمح لي بأفضفض لك وش صار معي اليوم بالإستراحه

وقبل اقولك وش صار معي .. احب اشكر كل الاخوان القائمين على هذا التجمع .. والله ما قصروا مجهزين كل شي وقاموا بالشرح على اكمل وجه .. بيض الله وجيههم وجزاهم الله كل خير .

والأخ اللي قبلي شرح لك بإيجاز اللي صار بالتجمع اليوم .. واذا هو ما لحق على العصير كان قدامي عصيرين وما شربت ولا واحد منها .. واحد بالتوت والثاني بالزعتر .. ولو ادري انه ما لحق على العصير كان خذيت العصيرين وكبيتها بس كذا عشان ما يشرب

نرجع لموضوعي واللي صار معي اليوم

أول شي طلعت من بيتنا وشغلت السياره ومشيت ( عن عن عن عن بيب بيب عن عن عن ) >> هذا مشواري من بيتنا الين دخلت الدايري الشرقي .. وبعدها وصلت الإستراحه وأدخل وأقول .. السلاااااااااااااااااااااااااااااااااااااااااااااا اااااااام عليكم .. مساكم الله بالخير جميعاً .. طبعا لو بأسلم على كل واحد يد بيد كان تخرجوا دفعتي من الجامعه وانا ما بعد خلصت سلام .. تذكرت الغبي اللي دخل ملعب وجلس يسلم على الجمهور واحد واحد وأول ما خلص وجلس يبي يتفرج انتهت المباراة .

المهم أنا كنت جاي للإستراحه جاااااااااااااااااااااااااااااايع ما افطرت ولا تغديت لأني كنت متوقع إن الإستراحه بيكون فيها عشاء .. قلت يمكن تكون مفاطيح قعدان ( بزورة البعارين ) ولا على الأقل نعيم ولا نجديات .. ومنها بعد أوفر على بيتنا الفطور والغداء >> ابو حضرم

وبعد نهاية الإجتماع وعلى آذان العشاء .. بعض الشباب مشو ( وأنا اقول في نفسي بيفوتكم عشاء على كيف كيفكم يوم رحتوا وأنبسطت قلت خلهم يوفرون علينا واجلس اتربع على السماط ولا احد يضايقني .. صلينا العشاء وطلعوا وبدوا الشباب يطلعون .. قلت هلا والله شكلي بأجلس على مفطح لحالي حسيت ان السالفة طولت وما جاء العشاء .. اطالع في اللي قدامي ما شاء الله دبيبا وطويل .. قمت اتخيل شكله مفطح حاشي واهز راسي يمين ويسار بسرررررررعه مثل افلام كرتون الين رجعت لوضعي الطبيعي وانا يمين ويسار واضحك مسوي مستوعب الجلسه .. شوي واطالع في اللي وراي راسه صغير واصلع .. واتخيله همبرقر بغيت اطمر واعض راسه .. طلعوا كل الشباب اللي بالإستراحه وما بقى الا انا انتظر العشاء .. الين طفش الهندي وجاء يمي وقال سديق كلو نفر يروح انتا ليش يجلس .. قلت له عندك ملخص سنه تحضيريه خطه ب .. قال ايش كلام ؟؟ قلت انت مسوي عشاء ؟ قال ايه .. يحسبني بأقول له بأتعشى معك .. قال انتا يبغى عشاء .. قلت له لا فارق الله يجعلك ما تحدر عشاك

واطلع يا طويل العمر بالسياره مسررررررررع وجالس افحط من القهر .. الين وقفتني دوريه وانا الحين اكتب لكم من توقيف المرور وجنبي واحد باكستاني ريحة صنانه واصلتن للي جالسين ومتكين بالجسر المعلق

يالله مع السلامه جاء الضابط .. بعدين اكمل