[دافور منتسب]

بداية أحب أشكرك ع الوقت اللي حتضيعه علشان تقرأ(ي) موضوعي هذا...

القصة و مافيها إنه طبعاً زي ما أنتو عارفين إني كطالب إنتساب موظف يعني بالعافيه أحصل لي وقت أطلع من العمل و لقمتين و نص و ع الجامعه أروح هناك أخلاقي 00و إبتسامه باهته لا لون لها و لا طعم.
حضرت أول يوم السبت 19/11/1430هـ محاضرة مبادئ المحاسبه و الشرح تمام التمام و كان اللقاء الثاني يوم الإثنين 21/11/1430هـ طبعاً الدكتور ما أدري وش هرجته قال يبي يحول موعد المحاضره يبي يخليها بدل من 17:00 - 18:50 إلى 20:00 إلى ما لا نهايه يقول الوقت هذا أفضل لأنه حيكون مفتوح و ماعندنا أي إلتزامات أخرى و محدش يجي بيؤول عاوز القاعه.

طيب أنا قلت له يادكتور مايصير أنا إخترت هالشعبه لأن وقتها مناسب لي و لو تغير وقتها بتصير عندي مشكلتين الأولى تضارب مع المواد الأخرى... و الثانية عندي دوام إلى متى حتجلسنا يعني بتطلعنا من المحاضرة و أنا داااااايخ مافيني أمشي زين.

قال طيب أنا ظروفي ما تسمح لي بالوأت ده.

قلت طيب و الحل ؟؟ تخيلو الرد و الله حرق أعصااااابي

يقول في غيري يدرسو محاسبه

قلت طيب طبعاً كان نفسي أصكه بقس على وجهه لأني مو ناقص 2/1 نص الراتب دافعه علشان الدوره هذي وفوق هذا يقول دور لك قاعه المهم تعوذت من ابليس و لميت عفشي و جيت ماشي قالي رايح فييييين أووعد نخلص الدرس.

قلت له شعترت أفكاري

قال إزاااي أنا ماشعترتك و لا حاقه.. فكيت الباب و طلعت بالله إنتو لو مكاني هل تؤيدون فعلتي أو ضدها أو مع المصري وش الهرجه بالضبط.... أفيدوني لأني قاااااااافل منه...