[baba saleh]

السلام عليكم مساااااكم الله بالنوور والسرور اولا احب اهني الطلاب والطالبات اللي نزلت جداولهم اليوم وانا من ضمنهم طبعا والله العظيم يالله يالله نزل بطلعة الروح ثانيا احب اقولكم ان عمادة المجتمع والتعليم المستمرماعندك احد وموظفينها مو شي صراحة تحس انهم متخبطين وتحس انهم مالهم كلمه وحده ومايدرون وين الله حاطهم انا رحت قبل نهاية الدوام مع احد اصحابي لانو مقدم اعفاء ومانزل جدوله ولقيتهم مقفلين الباب ويكلمونا من ورى الباب ومالهم نفس يكلمونا كمان يصارخون ويرفعون اصواتهم وكأنهم بيدفعوها من جيوبهم فلما سألناهم عن الاعفاء قالوا جاتكم الرسايل قلنا لهم نعم قالو نعم الله عليكم طيب ليش ماجيتوا طابقتوا الاوراق رد عليهم صاحبي قال انا طابقت اوراق من قبل ماتجي الرساله اصلا الرساله وقلتولي تابع النت نهاية الشهر هذا وتلاقي جدولك ..سكت الموظف ورجع ثاني قال يعني ماطابقت ..ضحك صاحبي وقال لو انت تفهم عربي والا اوردو؟ اقولك طابقت وقلتولي راجع النت ..بعدين انا نطيت في السالفه وخشيت عرض قلت ياخويا بالنسبه للرسايل سئلت احد الموظفين هنا يوم السبت اللي فات وقالي هذي مبرمجه ع اللسيستم اي طالب قدم وصلتلو رساله اما بالقبول وانو تجي تطابق اوراقك او بالرفض لاوكمان وصلت لطلاب اخذوا جداولهم وانتم رفضتوهم من البدايه وانت اللحين تقول الرساله هذي مهمه ؟..قالي ياخوي انتظر ع النت قالها وهو يبغى يتشرد من الاجابه قمت قلت له انا الحمد لله نزل جدولي لكن في طلاب كثير غيري في امس الحاجه للعفو هذا وانت وغيرك من الموظفين ترمونها تحت الطاولات ولاتدرون عنها وحنا نتبهذل رايحين جايين لكن انا اوعدك ان المهزله هذي راح نلقى لها حل وان طلاب الانتساب المقدمين عفو كلهم راح يرفعوا شكوى للمدير واذا المدير كان حتى هو متهاون نرفعها للي اكبر منو المهم خرجت من عندو ولاكأني قلت لو شي كأني قلت له نكته عااادي اخذ الامر بسهوله ورجع جلس ع الكرسي وطلع الساندويتش وجلس ياكل المهم مشينا من عند الباب اللي كنا واقفين وراه وكأنوا يكلمونا وكأننا مساجين المفتاح معلق في الباب ويقول المفتاح مو معاهم يعني يبغى يقنعني ان العميد قفل عليهم الباب وقال ماتطلعون الا يوم السبت والا ايش قصتو مادري .المهم قابلنا واحد خرج من باب اخر للعماده وقفل الباب بالمفتاح وكان باب كبير للموظفين وقفلوه وكأنو قاعد يقفل باب بيتو المهم رحنا لو جري كأننا اول مره نشوف بني ادم وسألناه عن الاعفاء ورد علينا بكل برود وقال الشباب حيشتغلو عليها الخميس والجمعه وحتنزل الاسماء يوم السبت المهم من الرد هذا حسسني اني بنقالي مو سعودي كيف يشتغلوا عليها الخميس والجمعه وهذي اجازة اخر الاسبوع اساسا لاوكمان اللحين اجازه رسميه بنهاية دوام الاربعاء اللي بغيت اوصلوا لكم يا اخواني انو لازم اي طالب تضرر من موضوع الاعفاءات والروحات والجيات اللي كانت على الفاضي واولهم صاحبي لازم توقفوا مع بعض وتروحوا للعميد بنفسكم واذا مانفع تروحوا لمدير الجامعه لانو هذا الوضع ماينسكت عنه ابدا ابدا واخير اتمنى انو جداولكم تنزل يوم السبت او الاحد زي ماقالوا مع انو ماظنيت لكن قولو يارب ولكم خالص تمنياتي بالتوفيق