[Alaa Al ghamdi]

مرحبا
شوفي ياحلوة جبتلك الوصفه هذي من موقع اجنبي ....
ماجربتها بس شكلها لذيذة كوكيز على اصوله من عندهم

المقادير:
كوبين وربع الكوب دقيق لكل الاستعمالات..
واحد ملعقه صغيرة بيكينج صودا ....
واحد ملعقه صغيرة ملح...
واحد زبدة طريه <<يعني بحرارة الغرفه تقريبا...
ثلاث ارباع كوب سكر <<الابيض العادي حبوب مو بودرة....
ثلاث ارباع كوب سكر بني...
ملعقه صغيرة من خلاصة الفانيليا...
بيضتين كبيرتين
علبه حبيبات الشوكولاته<<اللي تجي في الكوكيز الدوائر
كوب مكسرات مفرومة<<لوز وجوز اكيد قصدها

الطريقـــه:

اول شي حضري الفرن..سخنيه الى 375 درجة فهرنهايت...

جيبي وعائين..حطي في الاول الدقيق والملح والبيكينق صودا وخليه على جمب.

الوعاء الثاني..اضربي فيه السكر الابيض والسكر البني وخلاصة الفانليا الين مايصير الخليط يشبه الكريما..بعدين اضيفي عليه البيض حبه حبه..يعني اضيفي البيض الاولى ولمن تنخفق مزبوط اضيفي الثانية..وحاولي انك تخفقي كويس بعد كل اضافه عشان تزبط معاكي...

دحين جيبي الوعاء الاولى اللي كان عبارة عن الدقيق والملح والبيكنج صودا واضفيه بالتدريج للوعاء الثاني
مع الخفق طبعا وبالتدريج مو دفعه وحده....اخيرا اضيفي حبيبات الشوكولاته والمكسرات وحريكيهم...

وخذي الصينيه اللي بتخبزي فيها...وحطي فيها كل قطعه مقدار ملعقه اكل تقريبا
واخيرا دخليها الفرن اللي سخنتيه اول..اخبزيها من 9 الى 11 دقيقه تقريبا وانتبهيلها كويس..
بعد ماتخرجيها خليها دقيقتين الى 4دقايق ترتاح قبل ماتخرجيها عشان ماتتفتفت عليكي...

ويارب تجربيها وتعجبك
وكذا حيطلع شكلها..


شكلي حتى انا بجربها