رد: موضوع هام جدا جدا جدا
السلام عليكم اخواني
ترآ اختباراتنا الانجليزي الدورية يبغالها معلومات عامة فقط لاغير
واحنا اغلبنا ليفل 1 و2 ومواضيعنا بس المختلفه لكن القواعد نفس الشي كلنآ
واختباراتنا جد يبغالها مذاكرة من البدايه وشدة حيل من البدايه
مو ندخل الاختبار بدون مذاكرة ونقول من فين نذاكر
لا ,, لو من البداية وقت الكلاس شغلنا مخنا والله محايصعب علينا شي
لكن وقت الكلاس مستمعين لاغير ننتظر الوقت يمشي ونخرج
مافي شغل مافي تفاعل مافي اكشن وقت الكلاس
لو كل وحده مننا معاها كتاب معلم انجليزي تكتسب منو معلومات والله وقت الاختبار محا تتلخبط والا ماتجيب درجات ..!
لو كل وحده مننا بعد الكلاس ترجع البيت وتذاكر وتراجع الي اخذتو وترجمو محا يجي وقت الاختبار وتحووس..!
لكن ايش وضعنا يابنات بالله قولوا ايش وضعنا وقت الكلاس والتيتشر تتكلم ؟؟
انا اقولكم ..
رسايل بين البنات بالجوال وضحك وعدم تركيز .. نوووم ... لايوجد تفاعل .. ومايجي ع بال الوحده الا سؤال واحد (ايش بتقول هذي؟)
طيب يعني الوحده ماتفكر تسأل التيتشر عن الي بتتكلم عليه .؟
يقولوا فشلة ..!
ليش فشله تسألها بالعربي عااادي جدا حتى لو طلبت منك تتكلمي انجليزي حاتساعدك هيا
..
انا اعرف وحده معايا في الكلاس ماتفهم الانجليزي ابدا .. وتحوووس لما التيتشر تجي تكلمها بس والله عجبتني في كل مرا تجي التيتشر تكلمها تقولها البنت ماني فاهمه عليكي !!
وهنا يجي دور التيتشر تفهمها وتعلمها .. عادي يابنات قولوا مانعرف قولوا مانفهم عشان وقت الاختبار الوحده ماتسخط وتحط اللوم على التيتشر والا الاسئله .. صح والا لا ؟
من فين حايجي التطور في لغة الانجليزي والرقي اذا ماتطورت الاسئله وجات بالطريقة هذي .؟
لازم تعلآ لغتنا الانجليزية هذا علم ..
والا تبغي تسافري برا وانتي ماتعرفي تتكلمي بالقاعدات الصحيحه والعامه ..؟؟؟؟؟؟
هذا هوا الي احنا بندرسوا قاعدات ومواضيع عامه تساعدنا نطور لغتنا بالاجليزي بس صراحه كثير بنات مايبغوا اصلا يطوروا من انفسهم عشان يطوروا لغتهم..!
همهم اللبس والاستعراض بالجامعه ووووبس..!
وتجي لما تشوف درجتها تقول ظلم ..!!
(إن تصبك حسنة فمن الله وإن تصبك سيئة فمن نفسك )
شوفي انتي ايش بتسوي مخليكي ماتجيبي درجات كويسة وعدلي
وهذا الكلام ليا انا بالاول قبل لااقولكم اياه ..
ولو مااعتبركم زي اخواني ماتكلمت
اتمنى تتقبلوا كلامي وماتزعلوا مني ..:)
اختكم .. ToOoFi
|