رد: قصات الشعر الغريبة لبعض طلاب الجامعة...سجل تعليقك!
دقيقه دقيقه
ايش دآ ؟؟ ل درجه دي فيه ناااس بتدخل حتى في شعور العالم ؟
شعرو طويل شعرو قصير ... طيب انتا ايش ضركٍ ؟
عينك بيصير فيها شيء يعني ؟
دي حررررررررريه شخصيه واكتر من كدا كمااان
وبعدين انا شفت رد من الردود كاتبلي انو فيه رجال في العشرينات من عمرو يسوي كدا !
انتا قلتها ب لسااانك بالعشرررينات من عمرو يعني مو بالاربعينات ولا الخمسينات !
بالعشرينات من عمرو يعني شباااااااااب يعني يبغا يسوي الجوونان ويبغا يعيش حياتو
يبغا يكبر ويتزكر انو عاش شبابو وتمتع فيه
انتو ماتشوفوا دحين الكبار لما يتزكر شبابو يقول انا سويت وسويت وتحسها اشياء غريبه سوواها !
طيب هوا دا سر الشبااااااااااااب انك تعيش اجمل ايام حيااااتك اللي في راسك تسويه دام انو مو حرام
اجل ابغا اسويه وانبسط
وفيه ناااس بتقول ترضى تتزوج واحد زي كدا ؟!
يعني باللهي انا لما ابغا اجي اتزوج ع بالك انو حيكون تفكيري كدا
الواحد لما يبغا يتزوج يكون خلاص تغير تفكيرو وصار قدامو مسؤوليه وصار يواجه الحياه ب جديه اكتر ...
يعني دحين ازا شفت ولد صغير ب يمص اصباعو بتقول شوف اللي مايستحي وشوف ايش بيعمل ؟!
طبعا لا ... لآنو طبيعتو لسه صغير بيسوي كدا .. ومرحله الشباب ( العشرينيات ) برضو كدا كله جوونان ومغامره وبعيده جدا عن الجديه فـ لاحد يقارنها ب اللي عمر تلاتين او اربعين وفوق
يعني انتا لو شفت واحد عمرو 35 بيعمل كدا بقولك معك حق دآ اخد عمرو و عمر غيرو كمان !
وان شاء الله تكون وصلت المعلومه !
|