[بدايات]

ترى الحين المنطق يقول تتأجل الدرساة ع الأقل اسبوع ..

يا ناس .. الطريق اللي يودي للجامعة .. مدموووور ...

و بعدين طلاب الدراسات العليا كثير منهم في قسم البنات .. محاضراتنا كلها شبكة .. و بيقولوا البنية التحتية دماار يعني مافي اتصال ولا شبكة .. يبقى اش لزمة دوامنا بكرة .. حنروح و نضرب مشوار و احنا و اهالينا خااايفين و مرعوبين .. و نوصل هناك و ننتظر ساعة لين يجي احد يقولنا .. الدكتتور معتذر .. مافي شبكة .. يعني مشورة كذابة ..

الجامعة في وسط المنطقة المنكوبة و تهديد الأمطار قاااائم ... رح يكرروا الغلط الأول .. الأرصاد نبهتهم اول انو في احتمال امطار .. وما صار في اي اجراءات احترازية ..

و الحين الأرصاد نبهت مرررة ثانية انو في امطار شديدة السبت و الأحد .. وبرضو مافي اي احتراز و لا احتياط ..

و الحل .. الحل ..

محنا مضطرين نغيب و ينحسب من نسبة غيابنا المسموحة .. عشان ظرف عام طرأ بالبلد ..

السبعة غيابات من حق الطالب لظروفة الشخصية .. لو كان تعبان أو مريض .. او عنده ظرف خاص ..

لكن لما يكوون في ظرف عاام جا على كل البلد .. لازم يكون في حل اعدل من كذا ..

/

اختكم / بدايات ..
ماجستير محاسبة