و عليكم السلام و رحمة الله و بركاته
و ليه ما نناقش هذا بعد ، أول شرط من شروط الزواج رضا الزوجين و ليس رضا العائلتين ، أبسط حقوقك إنك تختارين الإنسان اللي بتقضين معاه بقية حياتك . فيه قصة الصحابية اللي راحت للرسول عليه الصلاة و السلام تشتكي أبوها إنه بيزوجها من رجل لا تريده فنادى الرسول عليه الصلاة و السلام والدها و خيّرها قالت يا رسول الله إني رضيت باختيار والدي بس إنه الأب ليس له من الأمر شيء (درسنا هالحديث في ثقافة ثالث
) بصراحة أمرنا عجيب نحن السعوديون لا سوينا زي المسلمين و لا سوينا زي الكفار ، أعرف بنات كثير كذا للأسف ، بنات جارنا كلهم تزوجوا كذا محجوزة من يوم ما انولدت هههههه و بعدين حتى لو بيصير شيء يقول الأب أنا اعطيت الرجال كلمة و مستحيل أرجع فيها ، كمان وهم صغار يزوجونهم أتذكر كنت محزنة ع البنت عمرها 16 أمي تقول لي عندهم في عاداتهم تراها عانس .
هلا فيك يالغاليه ..
أنا كان قصدي لو إحنا بنناقش هذا الشيء ..
لازم نناقشها مع الأهالي نفسهم ..
ولكن إحنا نناقش الشيء اللي نقدر عليه ..
فيه ناس عندهم البنت لولد عمها هذا أساس ( الحمدلله ما عندنا عيال عم كبار ) ..
عجبتني بس إنه إحنا ما سوينا زي الكفار ولا المسلمين ..
والله إنك صادقة ..
مرة اكتئب إذا سمعت قصص زي كذا ، تصرفك هو الصح ، الوحدة المفروض ما تعلق آمالها على رجل بكرة يطلقها و إلا يعلقها و إن مات ماتت هي معاه ،ما تأمن بوائق الدهر و الأهل لا سمح الله ماهم متواجدين طيلة الحياة ، فالحل هو إنه تكمل تعليمها ، تتوظف ، تكون مستقلة بذاتها و لا تنتظر شفقة رجل إن شاء أكرمها و إن لم يشأ على كيفه .
آسفة ع الإطالة ، وشكرًا