سبقت وقلت وجهة نظري في الموضوع الي راح الارشيف حق نمر
بصفتي لي خبرة بسيطة في سوق الاسهم لي نظرة ان شاء الله نقول ماتخيب
بالنظر لاكتتابات سابقة كانت اسهمها كثيرة نجد انو سعرها مازاد كثير ولكن بعد فترة وجيزة وبعد ثباتها في السوق ارتفعت اسعارها ومثال (( كيان ))
بالنسبة لشركة تانية نزلت بسعر جيد كانت (( زين ))
النصيحة هي الي محتاج مرة مرة مرة يبيع ويتوكل على الله
والي مو محتاجها كثير يخليها على الاقل نعرف ايش مصير المصرف الي ماسمعنا اي اخبر ايجابي عنو الى الان
توقعات سعر السهم راح تكون (( 12-15 )) بالنسبة لليوم الاول
راح يكون هناك تصريف للسهم من صغار المساهمين الي يبغى يسترد فلوسه عشانه مزنوق وراح يكون تجميع من كبار الهوامير لانو اسهم البنوك غالبا تكون اسعارها حلوة في المستقبل وكمان استثمارية
في التصريف والتجميع راح تكون الغلبة للتجميع ولكن بصورة عكسية بمعنى انو الي راح يجمعو ينزلو في سعر السهم عشان ياخذو اكبر كمية ممكنة بسعر زهيد
وهذي نظرتي وشكرا