اهلن اهلن
انا بطلب منكم طلب اخلي موضوع كالعاده لتساؤلاتي يعني واانا بزاكر مهارات اللغه
احيانا اواجه صعوبات واتمنى المساعده .. واكيد غيري بيستفيد وترا ممكن انا افيد لو تبو تسألوني
خلي دا الموضوع للتساؤلات ازا لقيتو جمله مافهمتوها وكدا نستفيد من بعض
والي يساعدني رح ادعيلوا بالنجاح ..
الـــــــــــــــــــمهم
____________________
1 _ ايش الفرق بين الثقل والتعذر ؟؟
1-الثقل اذا كان اخر الكلمة واو أو ياء مثل يتلو- يهدي
التعذر اذا كان اخر الكلمة ألف مقصورة مثل : يسعى
2 _ كيف افرق بين المضاف وشبه المضاف ؟؟
ياليت تحددين الصفحة علشان اراجعها لأن لي فترة ماراجعت الكتاب
3 _ هل الجمله الاسميه والفعليه دائما تكون في محل نصب ؟؟
3- لا طبعا قد تكون في محل نصب او رفع
4_ متى يكون الضمير المستتر وجوبا او جوازا ؟؟
ماعندي فكرة . بس لازم اعرف اذا كان مستتر وجوبا او جوازا؟؟؟؟؟؟؟؟
اهو مستتر وخلاص لازم نتعب انفسنا وندور عليه 
5_هل في حاجه اسمها الاسماء السته زي ماهو مكتوب في الكتاب ولا هي غلطه مطبعيه منهم ؟؟
5- اللي اعرفه أن الأسماء خمسة مدري اذا زادوها من وراي وانا مدري هههههههه
6_كيف اعرف ازا هادي الجمله في محل رفع ولا في محل نصب ؟؟
تكون الجملة في محل رفع اذا كانت خبر للمبتدأ مثلا
وتكون في محل نصب اذا كانت خبر كان مثلا
_________________
واخيرا انتهت الاسئله ولو في سؤال تاني بكتبوا في هادا الموضوع وانتو كمان ممكن تسألوني .. وياريت ماتضحكوا عليا لاني انا مااحب العربي مررا
احس انو اسألتي سخيفه لووول
وابى اقلكم انكم مو مطالبين تجاوبولي على الاسئله كلها الي تقدروا عليه وبكدا اكون متشكرتلكم .. واكيد حكون في تمام المساعده ..
اتركم مع اسئلتي .
وشكرا