[أحلى دنيا]

هادولا البنات عربجيات بزييييادة وفاهمين الفكرة غلط

حتى الاولاد الطبيعين ما يسووا حركات البنات العربجيات

وهوا في رأيي الاغلبية بس تغيير ستايل وشي جديد يسلي ,,, يعني فترة مؤقتة وح تعدي

ودولا أغلبهم لو مشيوا جنبهم بنات يكون بس كدة قدام الناس ...يعني ما هو شي حقيقي ..
يسووا كدة بس عشان يكملوا الصورة وتكمل التسلية

اما بالنسبة للبنات الشواذ من جد ومصاحبين بنوتات دولا قليل أعتقد لانه احنا ما نعرف الا اللي في الظاهر

يعني برضو لازم نكون متاكدين قبل ما نطلع اشاعات انه هادي بوية

نتاكد هيا من جد شاذة ولا بس تقليد وستايل جديد (لانه هادي فيها عرض وشرف البنت مو شي هين نتهم البنت
بعمل قوم لوط وهيا بس لبسها كدا فاهمين عليا )

خصوصا اذا بعد كدة جترجع البنت طبيعية تكون سمعتها على كل لسان
ويمكن تبطل ترجع وتصر على حالها .. خربانة خربانة

ان شاء الله تكون فكرتي وصلت ..

وان شاء الله تخف المناظر دي لانها مقرفة لأبعد الحدووووووووووووووووووووود