[دافور الشمال]

مساحات الورق تقصر عن حبال الفكر تشويش

----------------- وأنا اللي لا نويت أكتب ملكت البحر واركانه

قصيدي واكتبه لاجل النسايم يالغلا بخشيش

----------------- معاني كملت عقد المشاعر والوفا دانه

اجيلك وانتزع كل الكلام المدخر بشويش

----------------- عيون الشعر ترسم بك عبق حرفي ومرجانه

تماديت بغروري ياسحابه ياحدود الطيش

----------------- وانا كل السمو اللي كتب صدقك بديوانه

اخليهم ورى ظهرك ينادون الشعر تحشيش

----------------- عسى يستحلبوا بعض الشعر في قاحل اوزانه

عساهم سجلوا لحظة قصيرة بذاكرة تهميش

----------------- مدام الريح مابقى فصول حروف عطشانه