][ التعليم عن بعد .. هل هي حل للتطوير ام العكس ؟ ][
السلام عليكم اخواني واخواتي
حابة اطرح عليكم موضوع احس فيه جدل كبير للاغلبية
التعليم عن بعد
سؤال يروادني وهي ايش فايدتها ؟!!
خلونا من كلام الكتب وانو تساعد كبار السن
طيب هادا اذا كان من رغبتهم وباختيارهم
لكن زي حالنا الحين
اجبااري وعلى هوى ما سمعت بس للبنات
طيب ليه احنا دايم يطبق علينا انظمة جديدة
وما احس فيها تطوير او تنمية للمهارات
بالعكس
المشاركات والتطبيق المباشر هي اللي تنمي مهارات الفكر
لدى الطالبة
يعني مصيبه انا طالبه جامعية واشرح في التنمية الفكرية ههههههه
انا جريئة في المواضيع اللي تهم مستقبلي وطموحي
وعارفة انو اغلب المشرفين دكاترة في الجامعة
ياريت واحد فيهم يفهمني اللي صاير
وما ابغا اللف والدوران والمجاملة
انا عن نفسي احسو ظلم لطالبات الانتساب
وظلم كبير
خاصة انو فيها تمييز بين الاولاد والبنات
وانا اسميه خبر غير مفرح لكلاً من الخطتين أ و ب
يعني بالله عليكم معودينا من 20 سنة او اكثر
على الحضور للمدرسة والتركيز على شرح المعلمة والمشاركة
و الاولاد ما عندهم تعليم عن بعد
ايش معنى ؟؟!!
انا عن نفسي ما عجبني تعليم عن بعد ولا احسوا بيفيد
لانو لي صديقة وحملت البرامج وما ضبط معاها
بالعربي كأنك يابو زيد ما غزيت
وايش الفايدة من ندرس مواد احنا مو فاهمين ولا حضرنا منها شي
تاني شي
والتعليم عن بعد نظام جديد على الجامعة ككل
يعني الاستاذات قاعدين يعلمونهم على الطريقة لانها جديدة عليهم
وطيب واحنا يالطالبات ؟؟!!
تالت شي
انا اشوف حرام ادفع 3 آلاف ريال في الترم ويكون كل دراستي
في البيت وقدام الكمبيوتر ؟!!
لا والمواد عربية بلغتي ولا هي يعني تخصص كبير
ع الاقل بدفعها في كليات وجامعات عريقة معروفة بالخارج
وبنفس السعر لكن
هنالك فرق واضح وهي المواد التعليمية
كان نفسي اكتب واكتب الين ما ينطفي النار اللي في قلبي
بس ما اقول غير حسبي الله ونعم الوكيل
بتمنى احد من المسؤولين يرد على موضوعي
وبكل صدق وصراحة
تحياتي
التعديل الأخير تم بواسطة محبة لغموضي ; 12-01-2010 الساعة 08:26 PM.
|