[danya-4]

المشاركة الأصلية كتبت بواسطة soma al7elwa الله يوفقك يارب وييسرلك أمورك بس ابغى أقولك على شي ترى لو مامشيتي في التحضيرية معناتها مستحيــــــــــــل تمشي في الكليات الطبية والله مابقول كدا عشان احطمك بس منجد بعد ما اتخصصنا الحمدلله ودخلنا الكليات اللي نبغاها عرفنا انو التحضيرية كانت رحمــــــــــــة مع كل البهدلة اللي اتبهدلناها في السنة التحضيرية والضغط اللي كنا فيه بس طلع كلو ولا شي يعني منجد السنة التحضيرية دي هي اللي تبين ازا تقدري تتحملي ولا لا فشدي حيلك واكيد انتي قدها ازا بتدخلي بشري يعني دا ولاشي بالنسبة لك الله يوفقك يارب ويكتبلك الخير

مع احترامي الشديد لرأيك بس مرة ما اوافقك عليه لانو السنة التحضيرية مهي مقياس بالعكس السنة التانية هيا اللي مقياس لانو احنا نجي محنا عارفين راسنا من رجولنا وفجاة بندرس مواد زي الزفت بالانجلش وبالذات اللي خطة ب يعني مرة تعتبر المواد باللغة صعبة على خلق جاية من مدارس ... ومرة ظلم يعني مو كل اللي في الطب معناتو انو هم عندهم ديك القدرة الخارقة في كسالى دخلو طب بس بالواسطة وماشيين وبينجحو