[فرحة]

السلام عليكم
اولا ان شاء الله تجيب درجات عاليه في كل المواد الله يوفقك ويوفقك جميع طلاب وطالبات خطه ب و خطه أ
ثانيا انا ابغا انصحك بالنسبه لمادة الثقافه لا تدرسها من الخلاصات والخلاصات تجدها اخر كل درس هي عباره عن تلخيص للدرس
لكن لا تدرس منها اعرف كم وحده من صحباتي درسو فقط من الخلاصات ولما خرجو من الاختبار قالولي انهم ما حلو كويس وان الاسئله جات من بين السطور !!
عذرتهم لانو الي يدرس من الخلاصات ما يقدر يحدد هل الاسئله من بين السطور او لا الاسئله جات واضحه ومباشره وسهله جدا جدا
انا درست من الكتاب ادرس اما من الكتاب او من ملخص ابيض قلب او هاني عرب
جزاهم الله خير

بالنسبه للعربي انصحك انك تدرسو قبل الاختبارات بثلاثه اسابيع هذا اقل شي المادة تحتاج ثلاثه اسابيع لدراستها ادرسها من ملخص روز وملخص دودي وايضا فيه ملخص للاخ وايت
وركز على الامثله الي في الكتاب
ليش ؟
لانو جاتنا الاسئله منها مثلا جاني سؤال يقول كيف تكتب كلمه انا استغفر الله
كيف تكتب استغفر هل بهمزه وصل ام قطع ؟
أستغفر تكتب بهمزه قطه اي يوجد همزه على الالف
معظم الطالبات ما جاوبو صح على السؤال معظمهم كتبو استغفر تكتب بهمزه وصل اي بدون همزه على الالف
والمثال موجود في الكتاب انا من الناس الي جلسو يفكرو في الحل وما اسعفني غير اني اتذكرت ايه في القرأن الكريم فيها كلمة استغفر واتذكرت انو الكلمه فيها همزه فحليت صح
والمثال مكتوب اصلا في الكتاب ولما راجعت اسئلتهم لقيت كل الي جايبينو من الكتاب من الامثله على فكرا العربي كتير هنا في المنتدي كانو بيقولو انو صعب للامانه الاختبار جدا سهل بس للي يلاقي وقت ويدرسو انا الحمد لله اخدت الماده مني ثلاثه اسابيع عشان كدا جاوبت كويس فيها يعني حابه اطمنك لانو اكيد بعد كلام اغلب الطلاب عن صعوبه العربي انت خفت زي ماانا خايفه جدا من الاحصاء

الانجليزي ركز على القرمر والقطع والكلمات فقط

الرياضيات ركز على الامثله الموجوده في الدرس والتمارين الموجوده اخر الدرس والاختبارات الموجوده اخر الكتاب مهمه جدا جدا

والله يوفقك