[احســـــ رسامه ــــــــاس]

معليش بنات توي دخلت النت
اليوم رحت للجامعه ورحت لاستاذه فاطمه ياهي مرمطتني ممرطه خلوها على ربكم
اول مادخلت عليها قلت استاذه فاطمه؟؟؟
قالت لا مو انا استاذه فاطمه طلعت
انا على نياتي صدقت وطلعت
لقيت بنت برى قلت تعرفين استاذه فاطمه قالت ايوه هي هذي اللي جالسه عالمكتب
رجعت لها قلت انا متاكده هذي غرفتها قالت لي طيب انتي وش تبين منها؟؟؟
المهم وجلست اشرح لها قصتي المأساويه<<تكسر الخاااطر ههههههه
المهم بكل وقاحه ردت علي وهي معصبه طيب وش تبين اسوي لك؟؟؟
قلت كييييف؟؟؟
قالت ايوه ماهو عذر انك نمتي هذا اهمال منك<<بخاطري انا رديت وقلت يارب يجيك يوم وتروح عليك نومه عشان بس تعرفين اذا هو اهمال منك ولا بكيفك او لا؟؟؟
المهم قلت ليش هو كان بكيفي يوم نمت انا وقت الجوال بس ماصحيت كان اليوم اللي قبله عندي اختبار كيمياء حيوي وكنت مواصله وتعبانه ومرهقه يعني غصبا عني
المهم جلست تطالع فيني شوي بعدين قالت لي خلاص جيبي خطاب استرحام عشان يعيدون لك الاختبار <<حسيت من كلامها ودها تذلني قلت في خاطري طبعا ماودك بس اكتب لكم ابوس يدينكم
خطاب مع صوره من جدولي
قلت انا جايبه الخطاب معي الحين <<متجهزه هههههه
قالت لي طيب وين صورة جدولك روحي اطبعيه من المركز الشامل في العماده
طالعت فيها بحقد قلت ان شاء الله الحين اروح اجيبه لك
المهم واروووح للمركز الشامل وانلطع فيه ساعه<<ابفهم بس هالناس وش يحسون فيه!!!
كل وحده ترميني عالثانيه
اخر وحده وربي جلست اضحك منهم وحده من الموظفات قالت للي جنبها بالله شوفي هذي تبي طباعة جدول دراسي اطبعي لها
ردت الثانيه وقالت ليش احنا اصلا عندنا طباعه
ردت الاولى قالت ايوه وش فيييييك
المهم وجلسوا يتناقشوا وانا اضحك بس هالمره ماضحكت في خاطري ضحكت من جد
بالله وحده جالسه بمكان ماهي عارفه انهم هم المسؤولين عن طباعة الجداول <<مدري على ايش تاخذ راتب
قلت طيب والنهايه يعني بتطبعون لي الجدول ولا امشي؟؟؟
المهم خافوا مني وطبعوا لي الجدول <<يااااقويه
رجعت لاستاذه فاطمه واعطيتها اللي تبغاه الخطاب مع الجدول
ورفعت لي طلب وقالت لي اراجعها بعد اسبوع اسبوع اشوف اذا اللجنه وافقوا يعيدون لي الاختبار او لا؟؟
بس فيه شي نرفزني منها وهي تعبي ورقة الطلب قالت اعطيني رقم ثابت قلت ماعندنا ثابت
قالت يعني ايييييييييش ماعندكم ثابت؟؟؟
قالتها بتريقه يعني قلت حلوه يعني ايش ؟؟يعني ماعندنا ثابت
الا تبي بالقووووه يكون عندنا ثابت ولا على بالها انا جالسه استهبل عليها مدري وش قصة اهلها
المهم اعطيتها رقم جوالي
وبروح لها الاحد الجاي اشوف وش صاااااار؟؟؟
ايه معليش طولت عليكم <<ياحليلها توها تنتبه هههههههه
لا بس حسيت نفسي مقهوووووره منها وابي اطلع اللي في قلبي
وتسلمون لي على سؤالكم عني