01-02-2010, 08:36 AM
|
#50
|
تاريخ التسجيل: Jan 2010
التخصص: ( أنظمة )
نوع الدراسة: إنتظام
المستوى: السادس
الجنس: أنثى
المشاركات: 217
|
رد: Pp للي يحب يعطيني رايه يدخل ...........×××
هذي مسألة أتوقع كثير حايسين فيها شوي .. لأننا سنة تحضيريه وماعندنا خبره
بس فيه شغله ودي اعقب عليها .. كلام عربجيه صح وكثير سمعته ..
بالنسبه لنظم معلومات صراحه كان عاجبني التخصص من زمان وودي ادخله بالعلوم بس قالوا كله دراسته بالانجليزي .. وشوله ادرس كيمياء وفيزياء بالانجليزي وبالأخير أختار قسم برمجه وتقنيه معلومات !! بس اللي خلاني أفكر بالموضوع انهم يقولون اغلب دراسته تعتمد على برامج الكمبيوتر مثل الاكسل والآكسس وادهى من ذلك .. وانا هالأشياء تجيب لي ألم بالمخ بعيد عنكم فدورت تخصصات ثانيه
وبالنسبه لادارة أعمال دوليه أنا عني شلته من راسي .. اول شي دراستها تعتمد عالدش وغير عن كذا احسها شي ماله داعي بالحياه .. واختي دخلته واتورطت صراحه ..
وادارة مستشفيات وظايفها تكون بالمستشفيات انا عني شلته من راسي .. لأني ما احب المستشفيات خير شر واصدع من ريحت المنظفات اللي ريحتها واصله لين مواقف المستشفى << ما تتصاقع ركبها خوف ابد اذا شمت هالريحه 
والمحاسبه تخصص يبيله حفر شوي .. الزبده لازم تكون كتلة مخ عشان تدخله وانا عني احسه صعب عاللي كانت أدبي
فالموضوع يبيله تفكييير بعد مايكون عندك معلومات صحيحه ميه بالميه عن كل مسار ..
الله يوفق الجميع :)
|
|
|
|
|
|