مرحبا للجميع
طبعا انا متخصصة ادارة اعمال >>> اجل ليه داخلة
بس حبيت ادخل وادعيلكم واقول يارب كل واحد يدخل ويتوفق باللي يحبو
وكمان حابة اعلق ع بعض ردودكم
القانون مرررررررره مطلوب دي الايام وجديد يعني ان شاء الله لا تشيلي هم الوظيفة والمعدل المطلوب هو 4
وبالنسبة للانجليش لا تشيلي هم خيتو اهم شي تكوني حابة القسم وان شاء الله راح تمشي فيه عشان اكون صريحة مافي كتير يمشوا فيه بس اللي بتتعب ع حالها اكيد راح تنجح
وعلاقات عامة ما ابغى احبطكم بس انا كنت ناوية ادخله ولمن سألت عنه قالوا انو مافي غير للأولاد وبيفتحوا للبنات بعد سنتين انتوا اتأكدوا احسن
اللي اقدر افيدكم فيه انو كل تخصصات الادارة لها مستقبل ومره مطلوبة بس باقي الكليات ماعندي خبرة عنها ودي المعدلات المطلوبة
أنظمة (قانون ) 4
ادارة اعمال 4(موارد بشرية - تسويق - ادارة اعمال دولية ) بس نظم المعلومات 4.5
ادارة عامة 2 ( ادارة خدمات صحية ومستشفيات - تنظيم وتطوير - مسار عام )
اقتصاد 2 ( تأمين - نقود ومؤسسات مالية )
محاسبة 3.75
موفقين ان شاء الله