[فرحة]

انا انصدمت جدا وحزنت جدا لما قرأت انو زميل ليا في خطتي الخطه أ
راسب في اربعه مواد ولكن اطلب منك فورا ان تقف وقفه حزم مع نفسك
وكمل المشوار مافي شي يجي بسهوله
راسب في اربعه مواد بكرا تصير ناجح في كل المواد
انت لعبت ما درست لكن صدقني انت لو خرجت من الجامعه راح تندم بعد كم سنه راح تندم
وندمك في هداك الوقت مره ماراح يفيدك
اول شي حط في بالك في السمستر القادم انك تنجح في كل المواد وراح تقدر لانو السمستر الجاي المواد جدا سهله باستثاء الاحصاء وهو سهل بس يبغالو شويا تركيز
ليش تطلب نصايحنا انا وباقي الزملاء محد اح يقلك اترك الجامعه
لانو الجامعه مستقبل ومن غير دراستك الجامعيه انت ولا شي مالك طموح مالك كيان
ليش منت قادر يكون عندك اصرار
عارف انت ليش سألت زملائك هنا دا السؤال "هل تنصحوني اكمل او اترك"
لانو انت تبغا احد يشجعك انك تكمل ولو كنت تبغا تترك كان تركت من غير ما تسال
لكن انت من جواك تبغا تكمل انا مااقدر احكم عليك لانو ممكن تكون عندك ظروف خلتك ما تدرس وما تقدر تركز لكن انا اطلب منك انك تراجع نفسك وتتحلا بالاراده والصبر
لا تترك الجامعه مستقبلك لا تضيعو
والله انا انصحك لانك زي اخويا